આ વિસ્તારના રહીશો દ્વારા છેલ્લા બે વર્ષથી અકોટાના ધારાસભ્ય સીમા મોહિલે તેમજ શહેરના સાંસદ પાંચ વર્ષથી ખોવાયેલા છે, આ પ્રકારનું લખાણ બેનરોમાં લખવામાં આવ્યું હતું. જોકે થોડા સમય પહેલા શહેરના નિઝામપુરા વિસ્તારમાં પણ લોકો દ્વારા ચૂંટણીનો બહિષ્કાર કરતા બેનર્સ લગાવવામાં આવ્યા હતા.
ત્યારે ફરી એકવાર આ પ્રકારના બેનર્સથી લોકો ચૂંટણીને લઈને વિરોધ દર્શાવી રહ્યાં છે. આ સાથે બેનર્સમાં વિકાસ તો તમારો થયો અમારા તો ઘરના વિનાશ થયાનો આક્રોશ સાથેના લખાણ જોવા મળ્યા હતા. આ ઉપરાંત ચૂંટાયા બાદ વિસ્તારમાં કોઈ નેતા આવ્યાનહી હોવાનો સ્થાનિકો દ્વારા આક્ષેપ કરવામાં આવ્યો છે. સ્થાનિક લોકોએ વિશ્વામિત્રી બ્રિજવાળા રોડ પર તેમજ વસાહતોના આતંરિક રસ્તા પર ચૂંટણી બહિષ્કારના બેનર્સ અલગ-અલગ જોવા મળતા લોકોમાં રોષ જોવા મળી રહ્યો છે.
