છાણીમાં 15 મીટર પહોળાઇના ટીપી રોડ છે. આ રોડ છાયાપુરી સ્ટેશનથી છાણી પોલીસ સ્ટેશન સુધી જાય છે. આ રોડ પર અંદાજે 150થી વધુ કાચા પાકા મકાનો અને દુકાનો આવેલા છે. આ ઝુંપડા રોડલાઇનમાં નડતરરૂપ હોવાથી તે તોડી પાડવા માટે દબાણની કાર્યવાહી હાથ ધરવામાં આવી હતી.
વડોદરાના છાણી વિસ્તારમાં મેગા ડીમોલિશન હાથ ધરાયુ આ પહેલા ઝૂંપડાવાસીઓને મ્યુનિશિપલ કોર્પોરેશન દ્વારા ઝૂંપડા ખાલી કરી દેવા નોટિસ ફટકાર્યા બાદ આજે દબાણ હટાવવાની કામગીરી હાથ ધરવામાં આવી હતી. જોકે આ કામગીરી દરમિયાન સ્થાનિક લોકો અને દબાણ શાખાની ટિમ અને પોલીસ સાથે ઘર્ષણના દ્રશ્યો જોવા મળ્યા હતાં. કોર્પોરેશન દ્વારા મેગા ડિમોલિશન માટે ચુસ્ત પોલીસ બંદોબસ્ત વચ્ચે દબાણની કાર્યવાહી હાથ ધરવામાં આવી હતી..
