તાપી પાસેના મહારાષ્ટ્રના નવાપુર શહેરમાં પોલીસે બાઇક ચોર ગેંગને ઝડપી

તાપી: જિલ્લા નજીક આવેલા નવાપુર શહેરમાં પોલીસ વિભાગ દ્વારા બાઇકની ચોરી કરતી ગેંગની કરાઇ ધરપકડ. તો આ સાથે જ પોલીસ વિભાગ દ્વારા બાઇક ચોર ટોળકી પાસેથી 8 બાઇક અને 5 લાખનો મુદ્દામાલ કબ્જે કરી વધુ તપાસ હાથ ધરી છે.

તાપી જિલ્લા પાસે આવેલા નવાપુર શહેરમાં પેટ્રોલિંગ દરમિયાન પોલીસ જનતા પાર્કમાં 3 યુવાનો મોટર બાઇક પર જતાં હતા. તે દરમિયાન પોલીસને આ યુવાનો શંકા પર જતાં તપાસ માટે ઉભા રાખતાં યુવાનો ભાગી છૂટ્યાં હતાં. ત્યારે પોલીસે આ ત્રણેયનો પીછો કરી તેમની ધરપકડ કરી હતી. તો પૂછપરછમાં આરોપી રવિન્દ્ર પવાર, સંદીપ ચવરે અને અનિલ સોનવણે બાઈક ચોરી કરી હોવાનું જણાવ્યું હતું.

આ ઉપરાંત ચોરીમાં બીજા બે લોકોમાં સંડોવાયેલાં છે. જીતેન્દ્ર પવાર નામના સાગરીત સાથે મળીને ખેતરમાં ચોરીની બીજી બાઇક્સ પણ સંતાડેલી હોવાની આ ચોર ટોળકી દ્વારા કબૂલાત કરવામાં આવી હતી. તો મળેલી માહિતીને આધારે નવાપુર પોલીસે તમામ આરોપીઓની ધરપકડ કરી હતી. તો આ સાથે જ 8 બાઇક અને 5 લાખ રૂપિયાનો મુદ્દામાલ જપ્ત કરી વધુ તપાસ હાથ ધરી છે.