સુરેન્દ્રનગર બાર એસોસિએશના વકીલોએ તારીખ 1 એપ્રિલે કોર્ટ કાર્યવાહીથી અળગા રહીને વિરોધનો કાર્યક્રમ આપ્યો હતો. સુરેન્દ્રનગર એડિશનલ ડિસ્ટ્રિક્ટ જજ દ્વારા વકીલો સાથે ખરાબ વર્તન અને અપમાનિત વર્તન તેમજ ગેરવર્તણૂંકના અનુસંધાને વકીલોમાં રોષ ઉભો થયો હતો.
તમામ વકિલે કોર્ટ કામગીરીનો બહિષ્કાર અને કેરમ રમીને અનોખો વિરોધ નોંધાવ્યો હતો. આથી સુરેન્દ્રનગર બાર એસો.ના પ્રમુખ પ્રવીણસિંહ ઝાલા, ઉપ પ્રમુખ દિગ્વિજયસિંહ ઝાલા, મહિલા ઉપપ્રમુખ રાજેશ્રીબેન ત્રિવેદી, સેક્રેટરી વિપુલ જાની તેમજ મોટી સંખ્યામાં વકીલોએ કાર્યક્રમ આપ્યો હતો. વકીલોએ ટાગોર બાગ સામે છાવણી નાખી કોર્ટની કામગીરીથી અળગા રહેતા કોર્ટ કામકાજ અર્થે આવતા અરજદારોને હાલાકી ઉભી થઈ હતી.