સુરતના વરાછા બોમ્બે માર્કેટ રોડ સામે આવેલા પાર્ટીચાલની ખુલ્લી જગ્યામાંથી ટેમ્પાની ચોરી કરી અજાણ્યા ઈસમો ફરાર થઇ ગયા હતા. આ ઘટના ત્યાં લાગેલા CCTV કેમેરામાં કેદ થઇ જવા પામી હતી.
જુઓ વિડીયો
સિમેન્ટના ટેમ્પાની ચોરી કરી બે ઇસમો ફરાર, ઘટના CCTVમાં કેદ - gujarati news
સુરત: શહેરના વરાછા વિસ્તારમાં એક ટેમ્પો ચોરીની ઘટના સામે આવી છે. તસ્કરો ટેમ્પાની સાથે તેમા રહેલા સિમેન્ટની 200 જેટલી ગુણની ચોરી કરી ફરાર થઇ ગયા હતા. આ સમગ્ર ઘટના CCTV કેમેરામાં કેદ થઇ જવા પામી છે. હાલ વરાછા પોલીસે આ મામલે ગુનો નોંધી તપાસ શરુ કરી છે.
સ્પોટ ફોટો
CCTV માં દેખાઈ રહ્યું છે કે, 3થી 4 જેટલા ઈસમો ટેમ્પાની ચોરી કરી લઇ જઈ રહ્યા છે. ટેમ્પામાં 200સિમેન્ટની ગુણ હતી. તસ્કરોએ સિમેન્ટની ગુણની ચોરી કરી ટેમ્પાને બિન વારસી હાલતમાં મૂકી દીધો હતો.
આ બનાવની જાણ થતા ટેમ્પોના માલિકે વરાછા પોલીસ મથકમાં ફરિયાદ નોંધાવી છે. હાલ આ મામલે વરાછા પોલીસે CCTV ફૂટેજ મેળવી વધુ તપાસ હાથ ધરી છે.