સુરતમાં કેટલાક લોકો ટ્રાફિક નિયમનો ભંગ કરી નાસી છુટતા હોય છે અને કેટલા મોબાઇલ તથા કેટલા બાઈક પર ચેઈન સ્નેચિંગ કરી નાસી જતા હોઈ છે. પોલીસ આવા લોકોને પકડવામાં અસક્ષમ રહેતી હતી. પરંતુ, હવે આવા લોકોની ખેર નથી. એક બાઈક કંપની દ્વારા 250cc મોડેલની 5 બાઈક સુરત પોલીસને આપવામાં આવી છે.
સુરત પોલીસને મળી 5 આધુનિક બાઈક આજે આ બાઈકને સુરત પોલીસ કમિશ્નર આર.બી. બ્રહ્મભટ્ટએ લીલીઝંડી આપી હતી. આ બાઈકમાં ખાસ પ્રકારની એસેસરીઝ જેવી કે માઈક ટાવર, લાઈટ, સાઈરન વગેરે હશે. આ બાઈકથી પોલીસ હવે રોડ પર ટ્રાફિકના નિયમનો ભંગ કરી ભાગી જનારાઓનો પીછો કરી પકડી શકશે. સાથે છેલ્લા કેટલાક સમયથી સુરતમાં રોડ પર બાઇક સ્ટંટ ના બનાવને નાથવા માટે પણ આ બાઈકનો ઉપયોગ કરવામાં આવશે.
