સુરતના સાંસદ દર્શના જરદોશ દ્વારા શહેરને DRM ઓફિસ આપવા માટે માંગણી કરાઈ

સુરતના સાંસદ દર્શનાબેન જરદોશે બજેટમાં ચર્ચા દરમિયાન શહેરને DRM ઓફિસ આપવા માટે માંગણી કરી હતી. જેથી સુરત શહેરના નાગરિકોને નાના-મોટા પ્રશ્નો માટે વડોદરા, સુરત કે અમદાવાદ ધક્કા ના ખાવા પડે. તદુપરાંત સંપર્ક, દુરંતો, જેવી ટ્રેનોને સુરત સ્ટોપ આપવ માટે પણ માંગણી કરી હતી.

• સાંસદ દર્શના જરદોશે શહેરની વિવધ સમસ્યાનો મુદ્દો ઉઠાવ્યો
• તેમણે સુરત-મહુવા સાપ્તાહિક ટ્રેનને સપ્તાહને બદલે દરરોજ દોડાવવા કરી રજૂઆત
• સુરતથી રાત્રે નીકળીને સવારે ભાવનગર પહોંચે તે પ્રકારનું સમયપત્રક સેટ કરવા માંગણી કરી

સુરતઃ સાંસદ દર્શનાબેન જરદોશે સુરત શહેર તથા સુરત રેલવે સ્ટેશનની વિવિધ સમસ્યાઓને લઈને બજેટમાં ચર્ચા દરમિયાન શહેરને DRM ઓફિસ આપવા માટે માંગણી કરી હતી. જેથી સુરત શહેરના નાગરિકોને નાના-મોટા પ્રશ્નો માટે વડોદરા, સુરત કે અમદાવાદ ધક્કા ના ખાવા પડે. તેમણે સુરત-મહુવા સાપ્તાહિક ટ્રેનને સપ્તાહને બદલે દરરોજ દોડાવવા માટે અને સુરતથી રાત્રે નીકળીને સવારે ભાવનગર પહોંચે તે પ્રકારનું સમયપત્રક સેટ કરવા માટે માંગણી કરી હતી.

આ પણ વાંચોઃઆનંદો...હવે ટ્રેનમાં બેસવા ટિકિટ રિઝર્વેશન કરાવી નહી પડે

અન્ય ટ્રેનોને સુરત સ્ટોપ આપવા માંગ

દર્શના જરદોશે સંપર્ક, ક્રાંતિ, દુરંતો જેવી ટ્રેનોને સુરત સ્ટોપ આપવા માટે પણ રજૂઆત કરી હતી. તેમને જૂની માંગણીને ધ્યાને લઇ સુરત સ્ટેશનથી પસાર થતી મુંબઈ-ઇન્દોર દુરંતોને સુરત સ્ટોપ મળવા રેલવે પ્રધાનનો આભાર માન્યો હતો. જોકે રેલવે મંત્રાલય દ્વારા જણાવવામાં આવ્યું છે કે આ ટ્રેન ટેકનિકલ કારણોસર હાલ સુરતમાં સ્ટોપ જ આપવામાં આવતું નથી.

આ પણ વાંચોઃગીર સોમનાથમાં વેરાવળથી મુંબઈની સીધી ટ્રેન શરૂ થઇ