દેશના એકમાત્ર પુલવામાં શહીદ સ્મારક પર વિદ્યાર્થીઓએ પાઠવી શહીદોને શ્રદ્ધાંજલિ

જિલ્લાની એક શાળાના વિદ્યાર્થીઓએ પુલવામા આતંકવાદી હુમલામાં શહીદ થયેલા ભારતીય સૈનિકોને શ્રદ્ધાંજલિ આપી હતી. સુરતના ઉધના સ્ટેશન પર તૈયાર કરવામાં આવેલા દેશના એકમાત્ર પુલવામા શહીદ સ્મારક અને શહીદ સ્મૃતિવનની વિદ્યાર્થીઓએ મુલાકાત લીધી હતી. અહીં શહીદ થયેલા તમામ 40 જેટલા વીર જવાનોના નામે વૃક્ષારોપણ કરવામાં આવ્યા છે. શ્રદ્ધાંજલિના આ કાર્યક્રમમાં વિધ્યાર્થીઓએ પુષ્પગુચ્છ અર્પણ કરીને તેમજ શહીદોના માનમાં નારા બોલાવીને શહીદોને યાદ કર્યા હતાં.

સુરત : પુલવામાં શહીદોનું બલિદાન આવનારી પેઢીઓને યાદ રહે અને સૈનિકોનો દેશ પ્રત્યેનો ઝનૂન આપણા દિલમાં બરકરાર રહે એ માટે તેમની યાદમાં સુરતના ગ્રીનમેન ગણાતા વિરલ દેસાઈએ ઉધના સ્ટેશન પર પુલવામા શહીદ સ્મારક અને ઈન્ડિયન રેલવેનું શહીદ સ્મૃતિ વન તૈયાર કર્યું છે. ૧૪મી ફેબ્રુઆરીના રોજ પુલવામાં ખાતે ૪૦ દેશના જવાનોએ શહાદત વહોરી હતી. જ્યાં તેમની આ શહાદતને યાદ રાખવા માટે સુરતના ઉધના વિસ્તારમાં શહીદ સ્મારક બનાવવામાં આવ્યું છે.

દેશભરમાં પુલવામાના શહીદોના સન્માન માત્ર એક જ એવો રેલ્વે સ્ટેશન છે, જ્યાં પુલવામાં શહીદ સ્મારક બનાવવામાં આવ્યું છે. દેશના વીર જવાનોને શ્રદ્ધાંજલિ આપવા માટે આજે પુલવામાં શહીદ સ્મારક પર મોટી સંખ્યામાં શાળાના વિદ્યાર્થીઓ આવ્યા હતા અને પુષ્પાંજલિ અર્પણ કરી તેમણે યાદ કર્યા હતાં. આ પુલવામાં શહીદ સ્મારકમાં શહીદ થયેલા તમામ 40 ભારતના વીર સપૂતોના નામે વૃક્ષારોપણ કરવામાં આવ્યું છે. જે અંગે વિરલ દેસાઈએ જણાવ્યું હતું કે, દેશના સૈનિકો આપણા માટે અનન્ય યોગદાન આપે છે, ત્યારે નાગરિક તરીકે આપણી ફરજ છે કે આપણે પણ દેશને વફાદાર રહીએ અને આપણા દરેક કાર્યના કેન્દ્રમાં દેશને રાખીએ.'બાળકોમાં રાષ્ટ્રભાવનાનું સીંચન થાય અને તેમને પર્યાવરણની પણ સમજ મળે તે હેતુથી અમે તેમને આ સ્મારકની મુલાકાતે આવ્યા હતા. ઉલ્લેખનીય છે કે આ પ્રસંગે રાષ્ટ્ર વિચારક આશીષ સૂર્યવંશી અને સુરતના સ્ટેશન ડિરેક્ટર સી.આર.ગરૂડા વિશેષ હાજર રહ્યા હતા અને શાળાના સો જેટલા વિધ્યાર્થીઓએ તેમાં ભાગ લીધો હતો.