આ વર્ષે ભારત માટે ઐતિહાસિક નિર્ણય લેવાયો છે. કલમ 370ની 35Aને નાબૂદ કરવામાં આવી છે. જેનો આનંદ દરેક ભારતીયમાં જોવા મળી રહ્યો છે. ત્યારે 15મી ઓગસ્ટના રોજ રક્ષાબંધનના તહેવારે આ ખુશીમાં બમણો વધારો કર્યો છે. રાષ્ટ્રપ્રેમ અને ભાઈ- બહેનના અંખડ પ્રેમની ઉજવણી એક દિવસે થતી હોવાથી દેશભરમાં હર્ષોલ્લાસ જોવા મળી રહ્યો છે.
વેપારીઓએ પણ આવા રૂડા અવસરનો લાભ લઈ આ દિવસને વિશેષ બનાવવાનું બીડુ ઝડપ્યું છે. સુરતના એક વેપારીએ ભારતની અખંડિતાને રાખડીમાં ઉતારી છે. ભારતના નક્શા, રાષ્ટ્ર ધ્વજ અને કલમ 370 અને 35 35Aના વિવિધ આકારની સોનાની રાખડી બનાવી છે. આ રાખડીની કિંમત 500 રૂપિયાથી શરૂ થાય છે. જેને ગ્રાહક પોતાના બજેટ અનુસાર ખરીદી શકે છે.
આમ, દેશભક્તિને ભાઈ બહેનના પ્રેમમાં વણીને બનાવેલી આ રાખડી ભાઈને બહેનની સાથે દેશની પણ રક્ષા કરવાનું સૂચન કરે છે. તહેવાર તો દર વર્ષે આવે છે પણ તેને યાદગાર બનાવતી પળો ઘણી ઓછી જોવા મળે છે. આવી જ એક પળ 15 ઓગસ્ટના રોજ જોવા મળશે. જેમાં ભાઈઓ બહેનની સાથે દેશની પણ રક્ષા કરવાનું પણ વચન આપશે.
