સુરતના ગોપીપુરા વિસ્તારમાં ગોર બાઈમાતાનું પૌરાણિક મંદિર આવેલું છે. જ્યાં કોરડાનો અને ખીચડાનો પ્રસાદ લેવા માટે ભક્તો લૂંટ ચલાવે છે. 200 વર્ષ જૂના આ મંદિરમાં નવરાત્રીમાં ગોર માની પૂજા અર્ચના કરીને ખીચડાનો પ્રસાદ આપવામાં આવે છે. કહેવાય છે કે, આ મંદિરમાં પ્રસાદ લૂંટીને ખાવાની પરંપરા છે.
આ મંદિર ખાસ વિશેષતાં છે કે, અહીં, કોરડા પ્રસાદની અનોખી પ્રથા જોવા મળે છે. સામાન્ય રીતે લોકો કોરડા મારથી ડરે છે. પણ આ મંદિર પ્રસાદીરૂપે મારવામાં આવતાં કરોડાને ઝીલવા માટે લોકો વર્ષની રાહ જુએ છે. આ કોરડા પ્રસાદને લઈ એવી લોકમાન્યતા છે કે, આ કોરડાનો માર ઝીલનાર વ્યક્તિ પર માની કૃપા થાય છે, અને પાપનું નિવારણ થાય છે. જેના કારણે માનસિક શાંતિ મળે છે. આમ, આ મંદિરમાં મીઠાઈ, શ્રી ફળ અને ખીચડાના પ્રસાદની સાથે કોરડોનો પ્રસાદ આપવામાં આવે છે. જેને લેવામાં ભક્તો પડાપડી કરતાં જોવા મળે છે.
આ અંગે વાત કરતાં મંદિરના પૂજારી ધીરજ માતાવળાએ જણાવ્યું હતું કે, વર્ષો પહેલાં મોગલના આક્રમણથી બચવા માટે એક બાળકીએ વાવ પડી ગઈ હતી. મૃત્યુ બાદ બાળકી તેના પરીવારના સપના આવીને જણાવ્યું હતું કે , તે વાવમાં કમળનારૂપે સ્થાપિત છે. ત્યારબાદ લોકોએ વાવ જોયું તો વાવમાં કમળ હતું. જેને લોકોએ માની કૃપા સમજીને કમળ લાવી મંદિરની સ્થાપના કરી હતી. ત્યારથી આ મંદિરમાં અવિરત માની અરાધના કરવામાં આવી રહી છે.
