ડીંડોલીના માનસી રેસિડેન્સી નજીક આવેલા ખુલ્લા પ્લોટમાં અજાણ્યા યુવકનો હત્યા કરાયેલો મૃતદેહ પડી હોવાની જાણકારી સ્થાનિક લોકોએ પોલીસને આપી હતી. જેમાં મંગળવારની મોડી સાંજે આ ઘટનાની જાણકારી મળતા ડીંડોલી પોલીસ સહિતનો કાફલો તાત્કાલિક ઘટનાસ્થળે દોડી આવ્યો હતો અને તપાસ શરૂ કરી હતી. પોલીસની પ્રાથમિક તપાસમાં જાણવા મળ્યું હતું કે, મૃતક યુવક અભિષેક પાટીલની અજાણ્યા શખ્સો દ્વારા તિક્ષ્ણ હથિયારના ઘા ઝીંકીને હત્યા કરી દેવામાં આવી છે.
આ યુવકની હત્યા થઈ હોવાની જાણકારી પરિવારજનોને મળતા તેઓ પણ તાત્કાલિક ઘટનાસ્થળે દોડી આવ્યા હતા અને ભારે કલ્પાંત મચાવ્યો હતો. પોલીસ દ્વારા મૃતક યુવકના મૃતદેહને પોસ્ટમોર્ટમ અર્થે સુરત સ્મીમેર હોસ્પિટલ ખસેડી આગળની તપાસ શરૂ કરવામાં આવી હતી.
સુરતના ડીંડોલી વિસ્તારમાંથી વધુ એક હત્યાનો બનાવ આવ્યો સામે