હારા વહી જો લડા નહીં! નાની પાર્ટીએ વિશ્વની સૌથી મોટી પાર્ટીને ફાઇટ આપી : ગોપાલ ઈટાલીયા

ચૂંટણીના પરિણામ બાદ (Aam Aadmi Party) ગોપાલ ઈટાલીયાએ જણાવ્યું હતું કે, ગુજરાતની પ્રજાએ આમ આદમી પાર્ટીને રાષ્ટ્રીય પાર્ટી બનાવી છે. અમે જાણીએ છે કે અમને સંઘર્ષ કરવો પડશે. સાથે રાજ્યના લોકોનો પણ આભાર માન્યો હતો. (Gujarat Assembly Election 2022)

સુરત :ગુજરાત વિધાનસભાની ચૂંટણીમાં આમ આદમી પાર્ટીના (Aam Aadmi Party) દિગ્ગજ નેતાઓ હાર્યા છે. જોકે આમ આદમી પાર્ટી તેમ છતાં આ ચૂંટણીને ઐતિહાસિક ગણી રહી છે. આમ આદમી પાર્ટીના પ્રદેશ પ્રમુખ ગોપાલ ઇટાલીયાએ (Gopal Italia)જણાવ્યું હતું કે, ચૂંટણીમાં ગુજરાતની પ્રજાએ 40 લાખથી પણ વધુ મતો આપીને આમ આદમી પાર્ટીને રાષ્ટ્રીય પાર્ટી બનાવી છે. (Aam Aadmi Party Gujarat)

વિશ્વની સૌથી મોટી પાર્ટીને ફાઇટ આપી CM ચહેરો ઈશુદાન ગઢવી આમ આદમી પાર્ટીના પ્રદેશ પ્રમુખ ગોપાલ ઇટાલીયા પાસના કન્વીનર અલ્પેશ કથીરિયા અને ધાર્મિક માલવિયા સહિતના આમ આદમી પાર્ટીના દિગ્ગજો ચૂંટણી હારી ગયા છે. તો બીજી બાજુ આમ આદમી પાર્ટીના પ્રદેશ પ્રમુખ આ ચૂંટણીને ઐતિહાસિક ગણાવી રહ્યા છે અને સાથે તેઓએ જણાવ્યું હતું કે, આપને નેશનલ પાર્ટી બનાવવા માટે લોકોએ મદદ કરી છે. વિશ્વની સૌથી નાની પાર્ટીએ વિશ્વની સૌથી મોટી પાર્ટીને ફાઇટ આપી છે. અમે લોકો વચ્ચે જઈશું જે પણ ખામી છે તે દૂર કરવા માટે પ્રયત્ન કરીશું. (Gujarat Assembly Election 2022)

પાર્ટીની દમદાર એન્ટ્રી થઈઆજે ગુજરાતમાં આમ આદમી પાર્ટીની દમદાર (Aam Aadmi Party seat) એન્ટ્રી થઈ ગઈ છે. ગુજરાતની પ્રજાએ અમને 40 લાખથી વધુ મતો આપ્યા છે. જો બેઠકોની વાત કરીએ તો પાંચ બેઠકો અમે હાંસલ કરી છે.સાથે તેઓએ કહ્યું હતું કે, અમે જાણીએ છે કે અમને સંઘર્ષ કરવો પડશે. અમે બધી સીટો પર પ્રથમ વાર લડ્યા છે. રાષ્ટ્રીય પાર્ટી બનવા બદલ દેશના તમામ કાર્યકર્તાને અભિનંદન પાઠવું છું. (AAP seat in Gujarat)

કોંગ્રેસ પર પ્રહાર વધુમાં ગોપાલ ઈટાલીયાએ કહ્યું હતું ક, આવતા પાંચ વર્ષમાં વ્યાપક બનીશું. કયાંક પણ કચાશ રહી નહોતી. અમારો કોઈ લોસ નથી. પાર્ટીને ફાયદો જ થયો છે. કોંગ્રેસ માત્ર આરોપ લગાવે છે પહેલા EVM પર આરોપ લગાવાયો અને આ ચૂંટણીને લઈને અમારી પર આરોપ લગાવ્યો છે. જો પાંચ વર્ષ સેવા કરી હોત તો આજે આ સ્થિતિ કોંગ્રેસની ન થઈ હોત. આજે જે પરિણામ છે તે અમારી મહેનતની ઉપલબ્ધિ છે. (AAP winning candidate in Gujarat)