સુરતમાં ATM માં ચેડા કરીને રૂપિયા ઉપાડતી હરિયાણાની ગેંગ ઝડપાઇ

સુરતમાં છેલ્લા કેટલાક સમયથી શહેર વિસ્તારમાં હરિયાણા, દિલ્લીથી ફ્લાઈટમાં આવી કેનેરા બેન્કના એટીએમ સેન્ટરોમાં મશીનમાં છેડછાડ કરી રૂપિયાનું ટ્રાન્ઝેક્શન કરી બેન્કો સાથે લાખો રૂપિયાની છેતરપિંડી કરતા ભેજાબાજોની ગેંગના બે લોકોને ક્રાઈમ બ્રાન્ચે ઝડપી પાડ્યા છે.

• કેનેરા બેન્કના એટીએમમાં ચેડા કરી ચોરી કરતી મેવાત (હરિયાણા) ગેંગના બે ઝડપાયા
• બંને આરોપીઓની નાનપુરા અશુગર મોહલ્લા પાસે આવેલા કેનેરા બેન્કના એટીએમ સેન્ટર પાસેથી ધરપકડ કરાઈ
• દોઢ મહિનામાં 4 એટીએમમાંથી 21 લાખ ઉપાડયા
  

સુરત: છેલ્લા કેટલાક સમયથી શહેર વિસ્તારમાં હરિયાણા, દિલ્લીથી ફ્લાઈટમાં આવી કેનેરા બેન્કના એટીએમ સેન્ટરોમાં મશીનમાં છેડછાડ કરી રૂપિયાનું ટ્રાન્ઝેક્શન કરી બેન્કો સાથે લાખો રૂપિયાની છેતરપિંડી કરતા ભેજાબાજોની ગેંગના બે લોકોને ક્રાઈમ બ્રાન્ચે ઝડપી પાડ્યા છે. પકડાયેલા બંને જણા માત્ર ધોરણ 3 અને 6 ભણેલા છે. તેમ છતાં એટીએમમાંથી ટેક્નીકલી ચેડા કરી રૂપિયા ઉપાડતા હતા.

કુલ 1,10,000નો મુદ્દામાલ કબજે

ક્રાઈમ બ્રાન્ચની ટીમને મળેલી બાતમીના આધારે નાનપુરા અશુગર મોહલ્લા પાસે આવેલા કેનેરા બેન્કના એટીએમ સેન્ટર પાસેથી હનીફ રતીખા સૈયદ, ઔસાફ હસનમોહમદ સૈયદને ઝડપી પાડ્યા છે. બંને હરિયાણાના રહેવાસી છે. બંને જણા પાસેથી કુલ રોકડા 80 હજાર રૂપિયા, અલગ અલગ બેન્કના 4 ડેબિટ કાર્ડ, મોબાઈલ ફોન, ચાવી નંગ -૨ મળી કુલ 1,10,000નો મુદ્દામાલ કબજે કર્યો હતો.

આરોપીઓ દિલ્લી અને હરિયાણાથી ફ્લાઈટમાં આવતા હતા

બંને આરોપીઓની પુછપરછ કરતા “પોતે તથા પોતાના ગામના મિત્ર સાજીદખાન નારહુસૈન તથા તેના ભાઈઓ ઈરફાન અને ઝહીર સાથે મળી ચાલુ વર્ષના સપ્ટેમ્બર તથા ઓક્ટોબર માસના સમયગાળા દરમિયાન સુરત શહેરમાં આવેલા કેનેરા બેન્કના એટીએમ સેન્ટરોમાં ડી- બોલ્ટ કંપનીના મશીનોમાં ચેડા તથા છેડછાડ કરી રૂપિયા મેળવી બેન્ક સાથે છેતરપિંડી કરતા હોવાની કબૂલાત કરી હતી. આરોપીઓ દિલ્લી અને હરિયાણાથી ફ્લાઈટમાં આવીને 15 દિવસ 1 મહિનો રોકાઈને પાછા નીકળી જતા હતા.

ટેક્નીકલ ખામીનો ગેરલાભ ઉઠાવી એટીએમ મશીનમાંથી બહાર આવેલા રૂપિયા મેળવતાટેક્નીકલ ખામીનો ગેરલાભ ઉઠાવી રૂપિયા મેળવતા પોતાની પાસેના ડેબિટકાર્ડ કે ક્રેડિટકાર્ડથી એટીએમમાં કાર્ડ સ્વેપ કરતા હતા. તે પ્રોસેસ દરમિયાન રૂપિયા એટીએમમાંથી બહાર આવતા તે સમયે એટીએમ મશીનના ડીસપ્લે ઉપર આવેલી કી - લોક ડુપ્લીકેટ ચાવી વડે ખોલી ડીસપ્લેની પાછળ આવેલા મધર બોર્ડની સ્વીચ ચાલુ - બંધ કરતા હતા. મશીન સર્વર - સુપરવાઈઝરી મોડ રીસ્ટાર્ટ મોડમાં જતું રહે છે. ત્યારબાદ મશીન મુળ સ્થિતિમાં આવી જાય છે. આમ આ ટેક્નીકલ ખામીનો ગેરલાભ ઉઠાવી એટીએમ મશીનમાંથી બહાર આવેલા રૂપિયા મેળવતા હતા.બેન્કના કસ્ટમર કેર નંબર પર ફોન કરતા હતાએટીએમમાંથી રૂપિયા લઈ બેન્કમાંથી પણ રીફંડ મેળવતા ત્યારબાદ જે તે બેન્કના કસ્ટમર કેર નંબર પર ફોન કરી એટીએમમાંથી નાણા મળેલા નથી અને એટીએમ બંધ થઈ ગયું છે “તેવી કમ્પલેન કરતા બેન્ક ઉપાડ કરેલા નાણા રીફંડ કરી દે છે. આમ એટીએમમાંથી ઉપાડ કરેલા રૂપિયા ઉપરાંત બેન્કે રીફંડ કરેલા રૂપિયા મેળવતા હતા. આવી રીતે એટીએમ મશીનમાં ચેડા તથા છેડછાડ કરી બેન્ક સાથે છેતરપિંડી કરતા હતા.