સુરત : ભરબપોરે સુરતના કલેકટર કચેરી ખાતેના એ-બ્લોકના ત્રીજા માળે અચાનક જ રેકોર્ડ રૂમમાં આગ લાગતા અધિકારીઓ અને કર્મચારીઓ દોડતા થઇ ગયા હતા. અશાંતધારા વિભાગના રેકોર્ડ રૂમમાં લાગેલી આગના કારણે ત્યાં મૂકવામાં આવેલા અનેક રેકોર્ડ પણ બળીને ખાક થઇ ગયા હતા.
કચેરીમાં લાગેલી આગના ધુમાડા બિલ્ડિંગમાં જોવા મળી રહ્યા હતા. આગ લાગતા જ ત્યાં હાજર અધિકારીઓએ આગ ઓલાવવા માટે બિલ્ડિંગમાં લાગેલી ફાયર સેફ્ટી થકી આ આગ ઓલાવવાનો પ્રયાસ કર્યો હતો. તે દરમિયાન ફાયર વિભાગની ત્રણ ગાડીઓ પણ કલેક્ટર કચેરી પહોંચી ગઈ હતી. આ તકે ફાયર વિભાગના અધિકારીઓએ જણાવ્યું હતુ કે અનેક રેકોર્ડ બળી ગયા છે. તેમ છતાં સમયસર કાબૂ મેળવતા આગ વધુ પ્રસરી નહોતી. હાલ આગ શોર્ટ સર્કિટના કારણે લાગી હોય તેવુ જાણવા મળી રહ્યું છે.