રાજકોટમાં ફરી એકવાર નશીલા કાળા કારોબારનો પર્દાફાશ થયો છે. રાજકોટ ક્રાઇમબ્રાન્ચે આજે માહિતીના આધારે શહેરના જંગલેશ્વર વિસ્તારમાંથી માતા-પુત્રની ધરપકડ કરી છે.
ડ્રગ્સ સાથે માતા-પુત્રની ધરપકડ
રાજકોટ ક્રાઇમબ્રાન્ચે 22 લાખના ડ્રગ્સ સાથે માતા-પુત્રની કરી ધરપકડ - LCB
રાજકોટઃ શહેરની ક્રાઇમબ્રાન્ચને વધુ એક સફળતા મળી છે. ક્રાઇમબ્રાન્ચે રાજકોટના જંગલેશ્વર વિસ્તારમાં માહિતીના આધારે એક રહેણાંક મકાનમાંથી માતા-પુત્રની નશીલા પદાર્થ મોર્ફીનના જથ્થા સાથે ઝડપી પાડવામાં આવ્યા છે. ઝડપાયેલા કુલ 223.370 ગ્રામના મોર્ફીનના જથ્થાની કિંમત આંતરરાષ્ટ્રીય બજારમાં અંદાજિત 22,33,700 રૂપિયા જેટલી થાય છે.
સ્પોટ ફોટો
ઝડપાયેલા માતા-પુત્ર રફીક બેલીમ અને જુબેદા બેલીમ પાસેથી ક્રાઇમબ્રાન્ચે 223.370 ગ્રામનો નાર્કોટિક્સ માદક પદાર્થ હેરોઇનનનો સક્રિય ઘટક મોર્ફીન કબ્જે કર્યો છે. આ નશીલા પદાર્થની કિંમત 22 લાખ રૂપિયા કરતા વધુની છે. હાલ ક્રાઇમબ્રાન્ચે આ ડ્રગ્સનો જથ્થો ક્યાંથી આવ્યો, શહેરમાં ક્યાં વેચવામાં આવ્યો તેમજ હજુ કેટલા શખ્સો આ કારોબાર સાથે સંકળાયેલા છે તે દિશામાં તપાસ હાથ ધરી છે.