રાજકોટ મહાનગરપાલિકા બહાર વાલી મંડળના ધરણાં

રાજકોટઃ જિલ્લામાં વાલી મંડળના સભ્યો દ્વારા મહાનગર પાલિકાની કચેરી બહાર એક દિવસના ધરણાં યોજવામાં આવ્યા હતાં. વાલીઓની માંગ છે કે, રાજકોટમાં હજુ પણ કેટલીક ખાનગી શાળા કોલેજોમાં ફાયર સેફટીના સાધનો નથી. તેમજ મહાનગર પાલિકા દ્વારા ચેકીંગની કાર્યવાહી માત્ર કાગળો પર જ કરવામાં આવી છે.

રાજકોટ શહેરમાં અંદાજીત 40 જેટલી શાળા કોલેજો છે. જેની સામે મહાનગર પાલિકા દ્વારા પગલા લેવામાં આવ્યા છે. વાલી મંડળ દ્વારા આક્ષેપ કરવામાં આવ્યો હતો કે, મનપાના અધિકારીઓ અને શાળા કોલેજોના સંચાલકોની મીલીભગત છે.

સુરતના અગ્નિકાંડ બાદ રાજકોટમાં પણ આ પ્રકારની દુર્ઘટના ન સર્જાય તે માટે મનપા તંત્ર તાત્કાલિક કાર્યવાહી કરે. વાલી મંડળ દ્વારા સમગ્ર મામલે જો મનપા તંત્ર દ્વારા કાર્યવાહી નહી કરવામાં આવે તો કાયદાકીય પ્રક્રિયા પણ કરવામાં આવશે. તેમજ આગામી સમયમાં આત્મવિલોપન કરશે તેવી ચિમકી ઉચ્ચારી છે.