રાજકોટ જિલ્લાના પ્રથમ અભેયપર ત્યારબાદ ચિભડા, ખોખળદલ ગામોના ખેતરોમાં નાખવામાં આવેલી નર્મદાની સૌની યોજનાની પાઇપલાઇન અચાનક જમીનથી 15 ફૂટ અંદરથી બહાર આવી ગઈ હતી. જેને લઈને ખેતરમાં ઉગાડેલા ઉભા પાકને મોટાપ્રમાણમાં નુકશાન થયું હતું. અભેયપર ગામમાં અલગ અલગ ખેતરમાં અંદાજીત 1 કિલોમીટર સુધી આ પાઇપલાઇન બહાર આવી ગઈ હતી.
Etv Bharat દ્વારા આ અંગે સિંચાઈ વિભાગ સાથે વાત કરવામાં આવતા તેમણે જણાવ્યું હતું કે, પાઇપલાઇન હજુ ખાલી હતી તેમજ ભારે વરસાદના કારણે જમીનમાં પાણીનો પરહવા વધતા આ પાઇપલાઇન પ્રેશરના કારણે બહાર આવી ગઇ હશે. પરંતુ સાચું કારણ જાણવા માટે તપાસ એજન્સીની નિમણૂંક કરવામાં આવી છે. તેમજ આ કામ કરનાર કોન્ટ્રાક્ટરને પણ નોટિસ ફટકારીને 15 દિવસમાં કામગીરી કરવાનું જણાવવા આવ્યું છે. ઉલ્લેખનીય છે કે આ સમગ્ર અહેવાલ Etv Bharatમાં સૌપ્રથમ પ્રસિધ્ધ કરવામાં આવ્યો હતો. ત્યારબાદ તંત્ર દોડતું થયું હતું.