- રાજકોટ જિલ્લાના પર્યટન અને ઐતિહાસિક સ્થળોને અપાશે ડિજિટલ લુક
- રાજકોટના તમામ સ્થળોને ડિજિટલ લાઈબ્રેરીમાં કન્વર્ટ કરાશે
- દેશ - વિદેશના ટુરિસ્ટ લોકો માટે સૌરાષ્ટ્ર અદ્ભુત ઐતિહાસિક પર્યટન
રાજકોટઃ ગુજરાત અને એમાં પણ સૌરાષ્ટ્રમાં અનેક પર્યટન અને ઐતિહાસિક સ્થળો(historical places of Gujarat) આવેલા છે. જ્યારે ગુજરાત હાલ દેશ વિદેશના લોકો માટેનું અનોખું ટુરિસ્ટ પોઇન્ટ બન્યું છે. જ્યારે એવામાં પણ રંગીલા રાજકોટની વાત કરવામાં આવે તો ગાંધી મ્યુઝિયમથી(Gandhi Museum) લઈને અનેક ધાર્મિક સ્થળો રાજકોટ જિલ્લામાં પણ આવેલા છે. ત્યારે રાજકોટ શહેર અને જિલ્લાના ઐતિહાસિક, ધાર્મિક અને પર્યટન સ્થળોની માહિતી દેશ વિદેશના લોકોને(tourism Places in India) ઓનલાઈન મળી રહે તે માટે રાજકોટ વહીવટી તંત્ર દ્વારા કમર કસવામાં આવી છે. જેના માટે વહીવટી તંત્ર હવે આ તમામ સ્થળોની માહિતી તેમજ તેના ફોટોગ્રાફ ઓનલાઈન વેબસાઈટમાં મુકશે. જેના કારણે પ્રવાસીઓને તેનો લાભ લઇ શકે.
ટુરિઝમ વધારા માટે પ્રક્રિયા કરવામાં આવશે: કલેક્ટર
રાજકોટ જિલ્લા કલેક્ટર અરુણ મહેશ બાબુએ(Collector Arun Mahesh Babu) આ અંગે જણાવ્યું હતું કે, રાજકોટ શહેર અને જિલ્લામાં અનેક ઐતિહાસિક સ્થળો, ધાર્મિક અને પર્યટન સ્થળો આવેલા છે. આ તમામ સ્થળોની માહિતી ઓનલાઈન મળી રહે અને પ્રવાસીઓ અહીં આવતા પહેલાં જ આ સ્થળો અંગે વધુ જાણી શકે તે માટે તેના ફોટોગ્રાફ તેના અંગેની માહિતી સહિતની વસ્તુઓને ઓનલાઈન વેબસાઈટ(Tourism Online) પર મુકવામાં આવશે. તેમજ પબ્લીક ડિસ્પ્લેમાં પણ તેણે રાખવામાં આવશે. આ કામગીરી ડીઝીટલ લાઈબ્રેરી(Digital Library Gujarat) પ્રોજેકટ અંતર્ગત કરવામાં આવશે.