સૌરાષ્ટ્રના પાટનગર એવા રાજકોટમાં દરરોજ હજારો લોકોની અવર જવર રહેતી હોય છે. જેને લઈને રાજકોટના જુના બસ સ્ટેશનમાં આ મુસાફરોની સુવિધાઓમાં ક્યાંક અભાવ જોવા મળતો હતો.
મુખ્યપ્રધાન રૂપાણીએ લીધી રાજકોટના નિર્માણાધીન બસ સ્ટેશનની મુલાકાત ત્યારે રાજ્ય સરકાર દ્વારા જુના બસ સ્ટેશનને પાડીને અહીં રૂપિયા 45.23 કરોડના ખર્ચે નવું આધુનિક કક્ષાનું બસ સ્ટેશન બનાવવામાં આવી રહ્યું છે.
જેમાં બસ સ્ટેશનની અંદર જ ગેસ્ટહાઉસ, જમવાની વ્યવસ્થા, વોલ્વો બસની અલગ પાર્કિંગ સુવિધા સહિત જેમ ઍરપોર્ટ પર પેસેન્જરને સુવિધાઓ આપવામાં આવે છે. તેવી સુવિધાઓ બસ સ્ટેશનમાં મળી રહે તે પ્રકારનું બસ સ્ટેશનમાં બનાવવામાં આવી રહ્યું છે.
જેનું કામ આગામી ઑકટોબર નવેમ્બરમાં સંપૂર્ણ પૂર્ણ થશે. ત્યારે રવિવારના રોજ મુખ્યપ્રધાન વિજય રૂપાણી દ્વારા આ આધુનિક કક્ષાના નિર્માણ થઇ રહેલા બસ સ્ટેશની મુલાકાત કરવામાં આવી હતી.
