પોરબંદરમાં NSUI દ્વારા રાજીવ ગાંધી કપ-2019 ટુર્નામેન્ટનુ આયોજન

પોરબંદરઃ જિલ્લાના વિદ્યાર્થીઓમાં છુપાયેલા ટેલેન્ટને બહાર લાવવા દેશમાં સૌથી પ્રિય રમત ક્રિકેટ છે. આ ફિલ્ડમાં જવા માટે ઘણા યુવાનો થનગની રહ્યા હોય છે. જિલ્લા NSUIએ આ યુવાનોને તેમના સપનાઓ પુરા કરવા માટે પ્લેટફોર્મ પુરુ પાડવા માટે રાજીવ ગાંધી કપ-2019 ટુર્નામેન્ટનુ આયોજન કરવામા આવ્યું છે.

આ પહેલા પણ ઘણા યુવાનો પોરબંદર તરફથી આંતરરાષ્ટ્રીય સ્તર પર ક્રિકેટ રમી ચુક્યા છે. હાલમાં જ યુવા જયદેવ ઉનડકટ જેવા આંતર રાષ્ટ્રીય ક્રિકેટર પોરબંદરે આપ્યો છે. તેથી જ પોરબંદરની આ સંસ્થાએ યુવાનોનુ ટેલેન્ટ બહાર લાવવા આ સ્પર્ધાનુ આયોજન કર્યું હતું.

wsdsa

આ ટુર્નામેન્ટમાં પોરબંદરની કુલ 16 શાળા-કોલેજોની ટીમોએ ભાગ લીધેલો છે. બુધવારે ઉદ્ઘાટન પ્રસંગે પોરબંદર જિલ્લા કોંગ્રેસ સમિતિના વરિષ્ઠ આગેવાન સામતભાઈ ઓડેદરા દ્વારા ખેલાડીઓને માર્ગદર્શન આપ્યું હતું. પોરબંદરમાથી ગુજરાતથી લઇ આંતરરાષ્ટ્રીય સ્તર સુધી પહોંચેલા લોકોને યાદ કર્યા હતા. જેમાં તેમના પુત્ર સંદિપ ઓડેદરા પણ ગુજરાતસ્તર પર ટીમનું સુકાન સંભાળી ચુક્યા છે, તેથી તેમની પાસેથી પણ કોઇ માર્ગદર્શન જોતું હોય તો ગમે ત્યારે લઇ શકે તેવું જણાવ્યું હતું. ઉદ્ઘાટન પહેલા તમામ ખેલાડીઓ અને મહેમાનોએ પુલવામા આંતકી હુમલાના શહિદ જવાનોને 2 મિનિટનુ મૌન પાળી શ્રદ્ધાંજલિ આપી હતી.