પોરબંદરમાં 1983માં આવેલા પૂરની યાદો કયારેય નહીં વિસરાય

પોરબંદર: સમગ્ર ગુજરાતના દરિયાકિનારે વાયુ વાવાઝોડાની આગાહી તંત્ર દ્વારા આપવામાં આવી છે, ત્યારે ચોપાટી પર સતત લોકોને પોલીસ દ્વારા લોકોને દુર કરાયા છે. ગામડાઓમાં પણ સ્થળાંતરની કામગીરી હાથ ધરવામાં આવી છે. એવામાં પોરબંદરના લોકોને 22 જૂન ૧૯૮૩માં આવેલ પુરની યાદો તાજા થઇ હતી.

પોરબંદરમાં 1983માં આવેલા પૂરે મોટું હોનારત સર્જી હતી. પોરબંદરના અનેક વિસ્તારોમાં પાણી ભરાયા હતા. આ પાણી એટલી હદે પુર આવ્યા હતા કે છ દિવસ સુધી લોકો અસર હેઠળ રહ્યા હતા. લોકોએ માત્ર અગાસીમાં રહીને જ દિવસો કાઢ્યા હતા. તે સમયે ઇન્ટરનેટ જેવી સુવિધા પણ ન હોવાથી આગાહી અંગે કોઈ જાણકારી પણ લોકોને ન હતી અને વિવિધ સમાજના લોકો તથા સામાજિક આગેવાનો દ્વારા તથા ખાસ કરીને ખારવા સમાજના લોકો દ્વારા શહેરમાં નાની હોળી દ્વારા લોકોને ફુડ પેકેટ આપવામાં આવતા હતા.

આ ઉપરાંત રાશન અને શાકભાજી પણ લોકોને આપવામાં આવતા હતા. તે સમયે પસાર થયેલ લોકોમાંથી અનેક લોકો આજે પણ એ ભયાનક દિવસોને યાદ કરી દુઃખ અનુભવે છે. પરંતુ હાલની પરિસ્થિતિ જોઈએ તો સરકાર દ્વારા અનેક સાધન સરંજામ અને ઇન્ટરનેટની સુવિધા હોવાથી લોકો ઘેર બેઠા વાવાઝોડું ક્યાં સુધી પહોંચ્યું છે. તેની માહિતી મેળવી શકે છે.

પોરબંદર કલેક્ટર દ્વારા પાંચ દિવસ સુધી ચોપાટી પર પ્રતિબંધ લગાવાયો છે, ત્યારે પોલીસ જવાનો પણ હાલ સુરક્ષામાં જોડાઈ ગયા છે. ચોપાટી પર આવતાં તમામ લોકોને દૂર ખસેડવામાં આવ્યા છે.

જ્યારે 1983માં કોઈપણ પણ માહિતી લોકો પાસે ન હતી ત્યારે ભારે માત્રામાં જાનમાલની નુકસાની અને લોકોને પણ નુકસાની થઈ હતી. જ્યારે આ સમય એ છે જ્યારે ઇન્ટરનેટનો અને આધુનિક યુગ છે. ઘરે બેઠા લોકો આંગળીના ટેરવેથી તમામ માહિતી મેળવી શકે છે. જે ઉપયોગી સાબિત થયું છે અને મોટાપાયે નુકસાન ન થાય તે માટે તંત્ર હંમેશા સતર્ક રહે છે તો લોકોએ પણ આ બાબતે જાગૃકતા દાખવી છે.