પોરબંદર:માધવપુરમાં આદી અનાદીકાળથી યોજાતો આવતો લોક સંસ્કૃતીને ઉજાગર કરતો (Madhavpur Folk Culture Fair) મેળો શરૂ થાય તે પૂર્વે જ વિવાદમાં જોવા મળી રહ્યો છે. 10એપ્રિલે મેળાની શરૂઆત રાષ્ટ્રપતિ રામનાથ કોવિંદ (President Ramnath Kovind )કરાવવા માટે આવી રહ્યા છે. આવી પરિસ્થિતિમાં પોરબંદરથી માધવપુર મેળામાં જવા માટે બસના રૂટ નિર્ધારિત કરાયા છે. જેમાં શિક્ષકોને ફરજ આપવામાં આવતા રાષ્ટ્રીય પ્રાથમિક શિક્ષક સંઘ (akhil bharat shala sangh)પોરબંદરે સરકારના આ નિર્ણયને વિરોધ કર્યો છે. પોરબંદર જિલ્લાના 22 જેટલા શિક્ષકોને મેળાના બસના રૂટ પર સુપરવાઇઝરની જવાબદારીઓ તાલુકા પંચાયત પોરબંદર દ્વારા સોંપવામાં આવી છે જેને લઇને વિરોધ થઇ રહ્યો હતો.
શિક્ષણનું સ્તર ઘટી રહ્યું છે -આ સમગ્ર મામલાને લઈને કોંગ્રેસના વરિષ્ઠ આગેવાન અને પોરબંદરના પૂર્વ ધારાસભ્ય અર્જુન મોઢવાડિયાએ (Former MLA Arjun Modhwadia)પણ ટ્વિટર માધ્યમ થકી રાજ્યમાં શિક્ષકોની ઘટ છે શિક્ષણનું સ્તર ઘટી રહ્યું છે. આવી પરિસ્થિતિમાં શિક્ષકોને મેળામાં બસની સુપરવાઇઝર જેવી ખૂબ નિમ્ન કહી શકાય તેવી કામગીરી સોંપીને રાજ્યની સરકાર શિક્ષકોનુ અપમાન કરી રહી છે. તેવો આક્ષેપ લગાવીને મેળાનું સરકારી કરણ નહીં કરવા માંગ કરી છે.