મિડકોનમાં 12 એવોર્ડથી JCI ( Junior Chamber International ) પોરબંદરનું બહુમાન કરાયું

પોરબંદર જિલ્લામાં JCI પોરબંદરની કામગીરીની વિશેષ નોંધ લેવામાં આવી હતી અને જે બાદ પોરબંદરને વિવિધ કેટેગરીના 12 એવોર્ડથી સન્માન કરવામાં આવ્યું હતું. JCI ઝોન (JCI ZONE) સાત ગુજરાત પ્રદેશનું અર્ધવાર્ષિક સંમેલન ઉત્તર ગુજરાતના વિસનગર ખાતે યોજવામાં આવ્યું હતું.

• મિડકોનમાં 12 એવોર્ડથી JCI (Junior Chamber International)પોરબંદરનું બહુમાન કરાયું
• JCI પોરબંદરને 12 એવોર્ડથી સન્માન
• રાષ્ટ્રીય પ્રમુખની ઉપસ્થિતિમાં યોજાયું અર્ધવાર્ષિક સંમેલન

પોરબંદર : JCI ઝોન (JCI ZONE) સાત ગુજરાત પ્રદેશનું અર્ધવાર્ષિક સંમેલન ઉત્તર ગુજરાતના વિસનગર ખાતે યોજવામાં આવ્યું હતું. આ સંમેલનમાં JCI પોરબંદરની કામગીરીની વિશેષ નોંધ લેવામાં આવી હતી અને વિવિધ કેટેગરીના 12 એવોર્ડથી સન્માન કરવામાં આવ્યું હતું.

આ વર્ષની મિડકોન ઉત્તર ગુજરાતના વિસનગર શહેર ખાતે યોજાય

JCI દ્વારા વર્ષના મધ્યાંતરે મિડકોન અને વર્ષના અંતમાં ઝોનકોન યોજવામાં આવે છે. આ કોન્ફરન્સોમાં દરેક શહેરોમાં JCI દ્વારા થયેલી કામગીરીની સમિક્ષા કરવામાં આવે છે અને તેના આધારે સન્માનિત કરવામાં આવે છે. આ વર્ષની મિડકોન ઉત્તર ગુજરાતના વિસનગર શહેર ખાતે યોજવામાં આવી હતી. આ કોન્ફરન્સમાં જેસીઆઈ ઇન્ડિયાના રાષ્ટ્રીય પ્રમુખ રાખી જૈન (Rakhi Jain) ખાસ ઉપસ્થિત રહ્યા હતા.

આ પણ વાંચો :'માં અમૃતમ' અને 'આયુષ્માન કાર્ડ' ની કામગીરી બંધ, તાત્કાલિક શરૂ કરવા કોંગ્રેસની રજૂઆત

JCI પોરબંદરને 12 એવોર્ડથી સન્માન

જેસીઆઈ પોરબંદર દ્વારા કોરોના કાળમાં કરેલી વિશિષ્ટ કામગીરી ઉપરાંત લોકડાઉન દરમિયાન વિવિધ પ્રકારના ઓનલાઈન કાર્યક્રમો કરવામાં આવ્યા હતા તે તમામ પ્રકારની કામગીરીની સમીક્ષા કરી જેસીઆઈ પોરબંદરને 12 એવોર્ડથી સન્માન કરવામાં આવ્યું હતું. આ મિડકોનમાં રાષ્ટ્રિય પ્રમુખ રાખી જૈન, ઝોન પ્રમુખ બિરાજ કોટેચા, ઝોન લીડર ભરત પટેલ, ધારાસભ્ય ઋષિકેશ પટેલ, ભુવન રાવલ સહિતના મહાનુભાવો અને જેસીઆઈ પોરબંદરના સ્થાપક પ્રમુખ લાખણશી ગોરાણીયા, પ્રમુખ હાર્દિક મોનાણી, સેક્રેટરી રોનક દાસાણી, કલ્પેશ અમલાણી, તેજસ બાપોદરા, હરેશ રાડીયા, બલરામ તન્ના વગેરે ઉપસ્થિત રહ્યા હતા.

આ પણ વાંચો : રાજુલાના રેલવેના પ્રશ્નોને લઈ પોરબંદર કોંગ્રેસનું સમર્થન, રેલ રોકો આંદોલન કરવા જતા 11ની ધરપકડ