બાલીસણા નજીક કેનાલમાંથી યુવાનનો મૃતદેહ મળ્યો

પાટણ : તાલુકાના બાલીસણા ગામ નજીકથી પસાર થતી કેનાલમાંથી વાલમ ગામના યુવાનનો મૃતદેહ મળી આવતા હત્યા કે, આત્મહત્યાને લઇ રહસ્ય ઘૂંટાયુ છે. હાલ પોલીસે મૃતદેહનું પોસ્ટમોર્ટમ કરાવી વધુ તપાસ હાથ ધરી છે.

• બાલીસણા કેનાલમાંથી યુવકની મળ્યો મૃતદેહ
• મૃતદેહ મળતા ઘટના સ્થળે લોકોનું ટોળું જમા થયું
• પોલીસે ઘટના સ્થળે પહોંચી મૃતદેહની ઓળખ કરી

પાટણ : બાલીસણા નજીક કુડેર અને મોટા રામણદાની સીમમાંથી પસાર થતી સુજલામ સુફલામ કેનાલમાં શનિવારે પાણીની પર તરતો મૃતદેહ જોવા મળતા લોકોના ટોળે ટોળા એકઠા થઇ ગયા હતા. જેની જાણ બાલીસણા પોલીસને કરતા પોલીસ ઘટના સ્થળે દોડી આવી હતી. મૃતદેહને બહાર કાઢી તેની ઓળખવિધિ કરતા તે મૂળ વાલમ ગામનો વતની અને સુજલામ સુફલામ કેનાલમાં માતપુર ગામે ફરજ બજાવતો હોવાનું જાણવા મળ્યું હતું.

હત્યા કે આત્મહત્યાને લઇ અનેક તર્ક-વિતર્ક સર્જાયા

પોલીસ દ્વારા મૃતદેહને બહાર નીકળતા તેના બન્ને હાથ બાંધેલા જોવા મળતા તેને આત્મહત્યા કરી છે કે, પછી હત્યા કરી મૃતદેહને કેનાલમાં ફેંકી દેવામાં આવ્યો છે. તેને લઈ અનેક તર્ક વિતર્કો વહેતા થયા હતા.