પાટણઃ યુક્રેન અને રશિયા વચ્ચે યુદ્ધ શરૂ થઇ જતાં યુક્રેનમાં અભ્યાસ અર્થે ગયેલા ભારતીય વિદ્યાર્થીઓમાં ગુજરાતી વિદ્યાર્થીઓ પણ ફસાયાં છે. વાલીઓની રજૂઆત અને ભારત સરકારના વિદેશ મંત્રાલય દ્વારા વિદ્યાર્થીઓને સ્વદેશ પરત (Ministry of External Affairs of India helped students in Ukraine ) લાવવાની કામગીરી શરૂ કરવામાં આવી છે જેથી વિદ્યાર્થીઓ સાથે તેમના વાલીઓ પણ આનંદ છવાયો છે. આ વિદ્યાર્થીઓમાં પાટણ સહિત ઉત્તરગુજરાતના 20થી વધુ વિદ્યાર્થીઓને મોડી રાત્રે બસ દ્વારા (Students relocated to Poland) પોલેન્ડ ખસેડવામાં (Students trapped in Ukraine ) આવ્યાં છે.
100 કરતા વધુ વિદ્યાર્થીઓ યુક્રેનમાં ફસાયા છે
રશિયાએ યુક્રેન પર આક્રમણ કરતા તંગદિલીભર્યો માહોલ છવાયો છે. જેને પગલે ઉચ્ચ અભ્યાસર્થે ગયેલા વિદ્યાર્થીઓની હાલત કફોડી બની છે..આ પરિસ્થિતિમાં તેમના વાલીઓ પણ પોતાના બાળકોને લઈ ચિંતિત (Students trapped in Ukraine ) બન્યા છે. ત્યારે પાટણ જિલ્લાના 100 કરતા વધુ વિદ્યાર્થીઓ યુક્રેનમાં ફસાયા હોવાનું સામે આવ્યું છે. પાટણ શહેરના 30થી વધુ વિદ્યાર્થીઓ પણ એમાં સામેલ છે. આ તમામ વિદ્યાર્થીઓ એમબીબીએસ કે અન્ય ઉચ્ચ અભ્યાસ અર્થે યુક્રેન ગયેલા છે. બે દિવસ અગાઉ વાલીઓએ પોતાના બાળકો સાથે વાત કરી હતી જેમાં બાળકોએ પોતાની પરિસ્થિતિ વિશેે જણાવતાં વાલીઓ ચિંતિત બન્યા છે અને પોતાના બાળકોને સહીસલામત સુરક્ષિત સ્થળે ખેસેડવા માટે અને પરત લાવવા સરકાર સમક્ષ માગણી કરી હતી. આ મુદ્દે પાટણના ધારાસભ્યને પણ વાલીઓએ રજૂઆત કરી હતી જેને પગલે પાટણના ધારાસભ્યએ વડા પ્રધાનને ઈ-મેલથી રજુઆત કરી આ તમામને પરત લાવવાની માગ કરી હતી. ત્યારે ભારત સરકારના વિદેશ મંત્રાલય દ્વારા ભારતીય વિદ્યાર્થીઓને સ્વદેશ પરત લાવવાની કામગીરી શરૂ કરવામાં આવી છે.
શુક્રવારે રાત્રે વિદ્યાર્થીઓને ખસેડવાની કામગીરી થઇ