પાટણઃ કાંસા ભીલડી રેલવે લાઈન શરૂ થતા આ ટ્રેક પર માલગાડીઓ સહિતની ટ્રેનોની અવરજવર વધી છે. જેના કારણે પાટણ યુનિવર્સીટી રોડ પર આવેલું રેલવે ફાટક બંધ રહેતા રાજમહેલ રોડ અને યુનિવર્સીટી રોડ પર વાહનોની લાંબી લાઈન લાગે છે. આ રોડ પર ટ્રાફિકજામની સમસ્યા રહે છે.
પાટણમાં ઓવરબ્રિઝ બનાવવા સોઈલ ટેસ્ટીંગ કરવામાં આવ્યું
પાટણ કાંસા ભીલડી રેલવેલાઈન ચાલુ થતા પાટણના રાજમહેલ રોડ પર રેલવે ફાટક આગળ કાયમી બની ગયેલી ટ્રાફિક સમસ્યા નિવારવા ઓવરબ્રિઝને મંજૂરી આપવામાં આવી છે. સોમવારે નગરપાલિકા પ્રમુખની હાજરીમા એજન્સીના ટેક્નિશિયનો દ્વારા જગ્યાની સોઈલ ટેસ્ટીંગની કામગીરી કરવામાં આવી હતી. આગામી દિવસોમાં આ ઓવરબ્રિઝની કામગીરી શરૂ કરવામાં આવશે.
ઓવરબ્રિઝ બનાવવા સોઈલ ટેસ્ટીંગ કરવામાં આવ્યું
આ સમસ્યાનાં નિવારણ માટે રાજ્ય સરકારે રૂ. 48.50 કરોડના ખર્ચે ટી આકારના ઓવરબ્રિઝને મંજૂરી આપી છે. જેના પગલે હાલ સર્વેની કામગીરી ચાલી રહી છે. સોમવારે સરકાર દ્વારા નિયુક્ત કરેલી એજન્સીના ટેક્નિશિયનો દ્વારા બ્રિજ નિર્માણની જગ્યાનું નિરીક્ષણ કરી સોઈલ ટેસ્ટીંગ પ્રક્રિયા હાથ ધરવામાં આવી હતી.
નગરપાલિકાના પ્રમુખ મહેન્દ્રભાઈ પટેલે જણાવ્યું હતું કે, આગામી ટૂંક સમયમાં જ બ્રિજ નિર્માણનું કામ ચાલુ થશે, અને ઝડપથી પૂર્ણ કરી ફાટકના કારણે સર્જાતી ટ્રાફિકની સમસ્યાનો કાયમી નિકાલ આવશે.
પાટણમાં ઓવરબ્રિઝ બનાવવા સોઈલ ટેસ્ટીંગ કરવામાં આવ્યું
Last Updated : Feb 12, 2020, 11:27 AM IST