પાટણ જિલ્લામાં વિદ્યાર્થીઓના કોલાહલ વિના શાળાઓ થઈ શરૂ

પાટણ જિલ્લામાં 7 જૂનથી નવું શૈક્ષણિક સત્ર શરૂ થયું છે. પાટણ જિલ્લાની તમામ શાળાઓમાં 100 ટકા સ્ટાફ હાજર થયો છે, પણ કોરોના મહામારીને કારણે બાળકોને ઓનલાઇન શિક્ષણ આપવાની શિક્ષકોને ફરજ પડી રહી છે. શૈક્ષણિક સત્ર શરૂ થયું હોવા છતાં સરસ્વતી ધામોમાં વિદ્યાર્થીઓનો કોલાહલ જોવા ન મળતાં વિદ્યા સંકૂલો સૂમસામ બન્યા છે.

• કોરોના મહામારીની અસર શિક્ષણ ક્ષેત્ર પર જોવા મળી
• પાટણ જિલ્લામા નવું શૈક્ષણિક સત્ર વિદ્યાર્થીઓ વગર શરૂ થયું
• સતત બીજા વર્ષે પણ વિદ્યાર્થીઓ વગર સરસ્વતી ધામો સૂમસામ બન્યા
• શિક્ષકો દ્વારા વિદ્યાર્થીઓને ઓનલાઇન શિક્ષણ અપાશે

પાટણ : કોરોના મહામારીને કારણે તમામ ધંધા-રોજગાર અને ઉદ્યોગ ક્ષેત્ર પર તેની માઠી અસર પડી છે. જેને લઇને અર્થ વ્યવસ્થા પણ ખોરવાઈ છે. શિક્ષણ જગત પર પણ કોરોનાની માઠી અસર થઇ છે. છેલ્લા બે વર્ષથી શિક્ષણ ધામોમાં વિદ્યાર્થીઓ આવી શકતા ન હોવાને કારણે તેમના અભ્યાસક્રમમાં પણ મોટી અસર થઈ છે. જો કે, સરકાર દ્વારા વિદ્યાર્થીઓનો અભ્યાસ ન બગડે તે માટે ઓનલાઇન શિક્ષણની વ્યવસ્થા કરવામાં આવી છે. ગત વર્ષે કોરોનાને કારણે મોટાભાગનું શિક્ષણ કાર્ય બંધ રહ્યું હતું. ચાલુ વર્ષે પણ કોરોનાની બીજી લહેર ઘાતક નીવડી છે.

શિક્ષકો દ્વારા વિદ્યાર્થીઓને ઓનલાઇન શિક્ષણ અપાશે

ખાનગી અને સરકારી શાળાઓમાં સરકારના નિયમ મુજબ 100 ટકા સ્ટાફ હાજર થયો

પાટણ જિલ્લામા નવું શૈક્ષણિક સત્ર વિદ્યાર્થીઓ વગર શરૂ થયું

આ અંગે સરકાર દ્વારા હાલ પૂરતી તમામ શૈક્ષણિક સંકૂલોમાં વિદ્યાર્થીઓને શાળા સંકૂલમાં બોલાવ્યા વગર ઓનલાઇન અભ્યાસ કરાવવા માટે નિર્ણય કર્યો છે. નવું શૈક્ષણિક સત્ર સોમવારથી શરૂ થયું છે. પાટણ જિલ્લાની ખાનગી અને સરકારી શાળાઓમાં સરકારના નિયમ મુજબ 100 ટકા સ્ટાફ હાજર થયો છે, પણ કોરોના મહામારીને કારણે સતત બીજા વર્ષે પણ શિક્ષકોને વિદ્યાર્થીઓને વર્ગખંડની જગ્યાએ ઓનલાઇન માધ્યમથી અભ્યાસ કરાવવાની ફરજ પડી રહી છે. હાલ તો શાળાઓમાં ધોરણ 1થી 9ના વિદ્યાર્થીઓને ઓનલાઇન શિક્ષણ આપવાની શરૂઆત કરવામાં આવી છે. ધોરણ 10ની બોર્ડની માર્કશીટ આવ્યા બાદ ધોરણ 11ના વિદ્યાર્થીઓને પણ સરકારની ગાઇડલાઇન મુજબ શિક્ષણ આપવામાં આવશે.

આ પણ વાંચો -