રાધનપુરમાં લૂંટ સાથે હત્યાની ઘટનામાં પાડોશી જ આરોપી નીકળ્યો

પાટણમાં રાધનપુર અંજુમન હાઈસ્કૂલ પાસેના એક મકાનમાં ત્રણ માસ અગાઉ અજાણ્યા બુકાનીધારીએ પ્રવેશી હત્યા અને લૂંટના બનાવને અંજામ આપ્યો હતો. આ ચકચારી ઘટનામાં પાટણ એલસીબી પોલીસે પાડોશી યુવાનને ઝડપી ગુનાનો ભેદ ઉકેલવામાં સફળતા મેળવી છે અને તેની પાસેથી મુદ્દામાલ રિકવર કરી રિમાન્ડ મેળવવાની તજવીજ હાથ ધરી છે.

• ત્રણ મહિના અગાઉ રાધનપુરમાં લૂંટ અને હત્યાનો બન્યો હતો બનાવ
• પાટણ એલસીબી પોલીસે ત્રણ મહિને હત્યાના આરોપીને ઝડપી લીધો
• પાટણ એલસીબી પોલીસને હત્યાનો ભેદ ઉકેલવામાં મળી સફળતા

પાટણઃ રાધનપુરમાં અંજુમન હાઈસ્કૂલ પાસે રાજપૂત વાસમાં રહેતા અને કુરિયર સર્વિસની કામગીરી કરતા યાસીન ખાન ખોખર ગત 3 ડિસેમ્બર 2020ના રોજ પોતાના ઘરે એકલા હતા. તે સમયે અજાણ્યા બુકાનીધારી શખ્સે ઘરમાં પ્રવેશ કરી યાસીન ખાન સાથે ઝપાઝપી કરી તેમને છરીઓના ઘા માર્યા હતા. આ સાથે જ તિજોરીની ચાવી લઈ માલ મત્તાની લૂંટ કરી પલાયન થઈ ગયો હતો. ગંભીર રીતે ઇજાગ્રસ્ત બની બેભાન બનેલા યાસીન ખાન ખોખરને સારવાર અર્થે હોસ્પિટલમાં ખસેડવામાં આવ્યો હતો, જ્યાં સારવાર દરમિયાન તેમનું મોત નિપજ્યું હતું.

પાટણ એલસીબી પોલીસે ત્રણ મહિને હત્યાના આરોપીને ઝડપી લીધો

આ પણ વાંચોઃભાવનગરમાં શ્વાનનો ત્રાસ, રોજના શ્વાન કરડવાના 50 થી 100 કેસ આવે છે સામે

પોલીસે આરોપી અરબાઝને તેના ઘરેથી ઝડપી લીધો

આ બનાવનો ભેદ ઉકેલી આરોપીને ઝડપી પાડવા પાટણ એલસીબી પોલીસને તપાસ સોંપવામાં આવતા જિલ્લા પોલીસ વડા અક્ષયરાજ મકવાણાના માર્ગદર્શન હેઠળ એલસીબી પીઆઈ એ. બી. ભટ્ટ અને સ્ટાફે વિવિધ ટીમો બનાવી હતી અને હ્યુમન ઇન્ટેલિજન્સ તથા ટેકનિકલ ઇન્ટેલિજન્સની મદદથી મૃતકના ઘરની બાજુમાં રહેતા પાડોશી એવા મકરાણી નામના યુવાનને લોટ સાથે ખોખરિયા સિંહની હત્યા કરી હોવાનો પર્દાફાશ થયો હતો. દરમિયાન પોલીસે અરબાઝને તેના ઘરેથી ઝડપી લીધો હતો.

પોલીસે આરોપી પાસેથી રૂ. 52 હજારનો મુદ્દામાલ કબજે કર્યોપોલીસ સમક્ષ પોપટ બનેલા અરબાઝે લૂંટ અને હત્યાનો ગુનો કબૂલતા તેને સાથે રાખી લૂંટમાં ગયેલ રૂ. 52 હજારનો મુદ્દામાલ અલગ-અલગ જગ્યાએથી રિકવર કર્યો હતો અને તેને કોર્ટમાં રજૂ કરી રિમાન્ડ મેળવવાની તજવીજ હાથ ધરી છે.

આ પણ વાંચોઃઆઇશા આત્મહત્યા કેસ : પોલીસ FSLની મદદ લે તેવી શક્યતા