પંચમહાલ : જીલ્લાના હાલોલ ખાતે (SSO) એસટી, એસસી, ઓબીસી મહાસંઘ દ્રારા આપવામા આવેલા આવેદનપત્રમા ST, SC, OBCના નાગરિકો માટે બંધારણમા રોજગાર, શિક્ષણની જોગવાઈ છે. આ જોગવાઇનુ પ્રત્યક્ષ અને પરોક્ષ રીતે હનન થઇ રહ્યૂ હોવાનો આક્ષેપ કરવામા આવ્યો હતો.
આ તકે આવેદનપત્ર આપતા જણાવ્યું કે ગુજરાત સરકાર ST, SC, OBCના ઉમેદવારો મેરીટમા આવ્યા હોવા છતા લાભ આપતા નથી. આ આંદોલન ગાંધીનગરમા ચાલી રહ્યુ છે. જેનો અમે ટેકો આપીએ છીએ. વધુમાં આઉટ સોર્સિસથી થતી કોન્ટ્રાક પધ્ધતિઓ રદ કરવામા આવે, પેસા એકટનો અમલ કરવામા આવતો નથી જેનાથી આદિવાસીઓનો વિકાસ અવરોધાય છે. એસટી, એસસી, ઓબીસી માટે જે ફંડ ફાળવામા આવે છે તેનો યોગ્ય ઉપયોગ કરવામા આવે, વર્ગ -૪ની ભરતી બંધ કરવામા આવી છે. તેને ચાલુ કરવામા આવે, શિક્ષણનું ખાનગીકરણ બંધ કરીને ફરજીયાત શિક્ષણ આપવામા આવે, ગ્રામિણ વિસ્તારમા શાળા મર્જ કરવાનો નિર્ણય કરવામા આવ્યો છે તેને રદ કરવામા આવે અને વિદ્યાર્થીઓને ઘરઆગણે શિક્ષણ મળે તેવી જોગવાઇ કરવામા આવે સહિતના મૂદ્દાઓને આવેદનપત્રમાં ઉલ્લેખ કરવામા આવ્યો હતો.