ગોધરાના પોલીસકર્મીએ કોરોનાગ્રસ્ત પત્નિની સાથી મહિલા શિક્ષિકાની છેડતી કરી

એકબાજુ સમગ્ર ગુજરાતની પોલીસ કોવિડ-19થી પીડાતા દર્દીઓ માટે જીવ સટોસટની બાજી લગાવી રહ્યા છે. ચોવીસ કલાક ખડેપગે પોતાની આ મહામારીમાં ભૂખે તરસે ફરજ બજાવી રહ્યા છે, ત્યારે આજે સમગ્ર ગુજરાતી પોલીસનું શરમથી માથું ઝુકવે તેવો કિસ્સો ગોધરા શહેરના એ ડિવિઝન પોલીસ મથકના દફતરે ફરિયાદ આવતા પંચમહાલ જિલ્લા પોલીસ બેડામાં ખળભળાટ મચી ગયો છે.

• ગોધરા પોલીસ હેડ ક્વાર્ટરમાં ફરજ બજાવતા હવસખોર પોલીસ કોન્સ્ટેબલે માનવતાને નેવે મૂકી
• અડધી રાત્રે રૂમમાં જઈ શારીરિક અડપલાં કરતા ગભરાઈ ગયેલી શિક્ષિકા મહિલાએ બુમરાણ મચાવી હતી
• બન્ને સાથે સંપીને રહીશું તેવી આજીજી કરવામાં આવી

પંચમહાલઃ ગોધરા પોલીસ હેડ ક્વાર્ટરમાં ફરજ બજાવતા પોલીસ કોન્સ્ટેબલે તેની પત્ની સાથે વિશ્વાસ મૂકી ગોધરા કોવિડની સારવાર માટે તેના રૂમ પર રોકાયેલી અન્ય શિક્ષિકા મહિલાને અડધી રાત્રે રૂમમાં જઈ શારીરિક અડપલાં કરતા ગભરાઈ ગયેલી શિક્ષિકા મહિલાએ બુમરાણ મચાવી હતી. આ પોલીસ કોન્સ્ટેબલ તથા તેની પત્ની બન્ને ભેગા મળી લંપટ કોન્સ્ટેબલની ઈચ્છા પૂરી કરવા દબાણ કરતા તે દબાણને વશ ના થઇ રણચંડી બની હતી. અંતે પોલીસ કોન્સ્ટેબલ અને તેની પત્ની સામે એ ડિવિઝન પોલીસ મથકે ફરિયાદ આપતા પોલીસ બેડામાં ખળભળાટ મચી ગયો હતો.

આ પણ વાંચોઃઅમદાવાદમાં સરનામું પૂછવાના બહાને યુવકે કરી યુવતીની છેડતી

પોલીસ કોન્સ્ટેબલ રાજેશ ડાંગી બન્ને બોલેરો ગાડીમાં ગોધરા ખાતે લઈ આવ્યા હતા

ગોધરા એ ડિવિઝન પોલીસ મથકે આ હચમચાવતા કિસ્સાની ફરિયાદમાં જણાવ્યા મુજબ, ઝાલોદ તાલુકાની એક પ્રાથમિક શાળામાં ફરજ બજાવતી એક મહિલા શિક્ષિકા 19 એપ્રિલના રોજ કોવિડ-19 જેવી મહામારીનો રીપોર્ટ પોઝિટિવ આવતા અને તેને શરીરમાં વીકનેશ આવતા તે પોતે પોતાના ભાડાવાળા મકાનમાં હોમ કવોરન્ટાઈ હતી. 23 એપ્રિલના રોજ આ મહિલા શિક્ષિકાને વધુ વીકનેશ લાગતા તેને ફોનથી તેની અન્ય મહિલા સહકર્મચારીને ઓળખાણના ભાગરૂપે દવાખાને ગોધરા લઈ જવાનું જણાવતા અન્ય સહમહિલા કર્મચારી અને તેનો પતિ કે જે ગોધરા ખાતે પોલીસ હેડક્વાર્ટરમાં ફરજ બજાવતો હતો, તે પોલીસ કોન્સ્ટેબલ રાજેશ ડાંગી બન્ને બોલેરો ગાડીમાં ગોધરા ખાતે લઈ આવ્યા હતા.

શિક્ષિકા મહિલાને દવાખાને લઈ જવાને બદલે હેડક્વાર્ટરના સરકારી રૂમ પર લઇ ગયા હતા

મહામારીથી પીડાતી શિક્ષિકા મહિલાને દવાખાને લઈ જવાને બદલે તેના હેડક્વાર્ટર ખાતેના સરકારી રૂમ પર લઈ ગયા હતા. જયાં મહિલા શિક્ષિકા સુતી હતી, તે વેળા હવસખોર અને લંપટ કોન્સ્ટેબલ રાજેશ ડાંગી તેની રૂમમાં ધુસી જઈ તેની એકલતાનો લાભ લઈ શારીરિક અડપલા કરતા આ મહિલાએ બુમરાણ કરતા તેની સાથેની મહિલા સહકર્મચારીને બોલાવતા તેને પણ હવસખોર કોન્સ્ટેબલ અને પતિ એવા રાજેશ ડાંગીનો સાથ આપી મારા ઘરવાળાની ઈચ્છા પુરી કર આપણે બન્ને બહેનોની જેમ રહીશું.

આ પણ વાંચોઃકારચાલકે જાહેરમાં યુવતીની છેડતી કરી, પોલીસે કરી ધરપકડ

રાજેશ ડાંગી અને તેની પત્નિ વિરુદ્ધ ફરિયાદ નોંધાવતા ખડભડાટ મચ્યો

તેની પત્નિએ એમ પણ કહ્યું કે , રાજેશ ડાંગી તને જીવની જેમ રાખશે, તું માની જા તારા પોરબંદર ખાતે રહેતા ઘરના માણસોને સમજાવી ત્યાં જઈ મનાવી લઈશું, તેમ જણાવવા ઉપરાંત નફ્ફટ રાજેશ ડાંગીએ કોવિડથી કણસતી મહિલાને કહ્યું કે, મને માતાજીનું સપનું આવ્યું કે, તારી બીજી પત્ની તું હશે. તું મારી પત્ની બની જા, તું જે માંગે તે હાજર કરીશ. તારે જોબ કરવાની જરૂર નથી તેમ જણાવતા તે મહિલા તાબે ના થતા અંતે રાજેશ ડાંગીએ મારા પર ઘણા કેસ છે. મારે પણ અધિકારીઓ સાથે ઓળખાણ છે. મારુ કશું બગાડી નહિ શકે તેવી ધાકધમકીઓ પણ આપી હતી. નફ્ફટ કોબસ્ટબલ રાજેશ ડાંગી અને તેની પત્નીની ચુંગાલમાંથી યેનકેન પ્રકારે બચેલી મહિલાએ અંતે ગોધરાના એ ડિવિઝન પોલીસ મથકે રાજેશ ડાંગી અને તેની પત્ની વિરુદ્ધ ફરિયાદ આપતા ભારે ખળભળાટ મચી ગયો હતો, એ શરમજનક કિસ્સાની તપાસ ઇન્ચાર્જ PI એમ.આર.નકુલ દ્વારા કરવામાં આવી રહી છે.