શહીદોને શ્રદ્ધાંજલિ: બીલીમોરામાં 6 હજાર વિદ્યાર્થીએ શિક્ષણકાર્ય બંધ કર્યું

નવસારી: જમ્મુ-કાશ્મીરના પુલવામાના અવંતીપોરામાં થયેલા CRPF જવાનો પરના IED હુમલાએ સમગ્ર દેશને હચમચાવી નાખ્યું છે, ત્યારે આ સમગ્ર ઘટનામાં 42 જવાનો શહીદ થયા છે, જ્યારે 40થી વધુ જવાનો ઘાયલ થયા છે.

દેશના જવાનો પર થયેલા કાયરતાપૂર્ણ હુમલો કરી હત્યા કરનારા આતંકવાદ વિરૂદ્ધ લોકોમાં આક્રોશનો જ્વાળા ભભૂકી રહ્યો છે. જેમાં નવસારીના બીલીમોરા વિભાગ કેળવણી મંડળના 6 હજારથી વધુ વિદ્યાર્થીઓએ આ હુમલામાં શહીદ થયેલ CRPFના જવાનો માટે મૌન પાડવામાં આવ્યું હતું. જેમાં 2 મિનિટ સુધી શિક્ષણ કાર્ય ઠપ્પ કરીને મૌન પાડી અમર જવાનના ટેબલો પર શ્રદ્ધાંજલિ અર્પણ કરવામાં આવી હતી.

આ ઉપરાંત વિદ્યાર્થીઓ દ્વારા કેન્દ્ર સરકારને અપીલ કરવામાં આવી હતી કે, આતંકવાદીઓ સામે કડકમાં કડક કાર્યવાહી કરી તેઓને જડબાતોડ જવાબ આપવામાં આવે છે. આ સાથે જ તેઓ સામે કડકાઈ પૂર્વક પગલાં લેવાની માગ પણ કરી છે.