સી. આર. પાટીલના આદર્શ ગામ ચીખલીના સરપંચ અને તલાટી નાણાપંચની 70 લાખની ગ્રાન્ટ ચાઉં કરી ગયા

નવસારીના સાંસદ સી. આર. પાટીલના દેશ-વિદેશમાં ગાજેલા આદર્શ ગામ ચીખલીના સરપંચ અને તલાટીએ 14 નાણાપંચની ગ્રાન્ટના 70.80 લાખ રૂપિયાની ઉચાપત કરી હોવાનો મામલો સામે આવ્યો છે. સત્તા પર આવ્યા બાદથી જ સરપંચ તલાટીની મદદથી ઉચાપત કરતો હતો. સરપંચે તલાટીની મદદથી બોગસ દસ્તાવેજોને આધારે બેન્કમાંથી લાખો રૂપિયા ઉપાડી કૌભાંડ આચર્યું હતું. આ ફરિયાદ બાદ ચીખલી પોલીસે તલાટી અને સરપંચની ધરપકડ કરી આગળની કાર્યવાહી હાથ ધરી છે.

• ગામમાં 14મા નાણાપંચ હેઠળ આવેલા ગ્રાન્ટમાંથી લાખો રૂપિયાની ઉચાપત
• ચીખલી ગામના સરપંચ અને તલાટીએ ભેગા મળીને 70.80 લાખ રૂપિયા પચાવી પાડ્યા
• પોલીસે સરપંચ અંકિત પટેલ અને તલાટી નાથુ બિરારીની ધરપકડ કરી હતી

નવસારીઃ એક તરફ નવસારીના સાંસદ સી. આર. પાટીલ પોતાના આદર્શ ગામ ચીખલી અંગે દેશ વિદેશમાં ડંકો વગાડી રહ્યા છે. તો બીજી તરફ તેમના જ ગામ ચીખલીમાં સરપંચ અને તલાટીએ ભેગા મળીને નાણાપંચે ફાળવેલી ગ્રાન્ટમાંથી 70.80 લાખ રૂપિયાની ઉચાપત કરી છે. ચીખલી ગ્રામ પંચાયતના વર્તમાન સરપંચ અંકિત પટેલ ગામને વિકાસકાર્યોની ગ્રાન્ટના લાખો રૂપિયા ચાઉં કરી ગયો હતો.

ગામમાં 14મા નાણાપંચ હેઠળ આવેલા ગ્રાન્ટમાંથી લાખો રૂપિયાની ઉચાપત

આ પણ વાંચોઃ10 ટકા માસિક વળતરની લાલચ આપી કરોડો રૂપિયાની છેતરપિંડીમાં ત્રણ આરોપીની ધડપકડ

સરકારે વર્ષ 2015-16થી લઈને 15 એપ્રિલ, 2021 સુધીમાં ચીખલીના વિકાસ અર્થે 14મા નાણાપંચની 2.21 કરોડ રૂપિયાની ગ્રાન્ટ ગ્રામ પંચાયતના બેન્ક ખાતામાં જમા થયા હતા, જેમાંથી ગ્રામ પંચાયત દ્વારા ગામ વિકાસના વિવિધ 111 કામો કરાવવાના હતા, પરંતુ ગામમાં 69 વિકાસ કામો પૂર્ણ થયા હતા. જ્યારે 42 કામો રહી ગયા હતા. આ રહી ગયેલા કામના 71.12 લાખ રૂપિયા જે બેન્કમાં જમા હતા. તે બેન્કમાંથી તલાટી અને સરપંચની સહી વગર રૂપિયા નીકળી શકે એમ ન હતા. તે દરમિયાન ગત દિવસોમાં એક કોન્ટ્રાક્ટરને આપેલો ચેક બાઉન્સ થયા બાદ ચીખલી ગ્રામ પંચાયતના બેન્ક ખાતાના તળિયા દેખાતા સમગ્ર મામલો સામે આવ્યો હતો. આમાં ગામના ડેપ્યુટી સરપંચ દિપ્તિબેન શાહે તાલુકા વિકાસ અધિકારીને ફરિયાદ કરી હતી.

ચીખલી ગામના સરપંચ અને તલાટીએ ભેગા મળીને 70.80 લાખ રૂપિયા પચાવી પાડ્યા

આ પણ વાંચોઃજામનગરમાં 80 વર્ષીય કોલસાના વેપારી સાથે 27 લાખની છેતરપિંડી

TDOની તપાસમાં સમગ્ર મામલો સામે આવ્યો હતો

TDOએ તાલુકા વિસ્તરણ અધિકારીને આ અંગેની તપાસ સોંપી હતી. તે તપાસમાં તપાસમાં ચીખલી ગ્રામ પંચાયતના સરપંચ અંકિત પટેલ અને તલાટી નાથુ બિરારી દ્વારા બેન્કમાં જમા રકમમાંથી 70.80 લાખ રૂપિયાની ઉચાપત કર્યાનું ધ્યાને આવ્યું હતું. એટલે ચીખલી પોલીસમથકે બંને વિરુદ્ધ ફરિયાદ નોંધાવી હતી, જેમાં ચીખલી પોલીસે આદર્શ ગામ ચીખલીના સરપંચ અંકિત પટેલ અને તલાટી નાથુ બિરારીની ધરપકડ કરી આગળની તપાસ હાથ ધરી છે.