આશા વર્કરોમાં શ્રેષ્ઠ કામગીરી કરનારી મહિલાઓને સન્માનિત કરાઇ

નવસારીઃ જિલ્લાના દરેક ગામમાં આરોગ્ય સેવાઓ પહોંચાડનારી આશા વર્કરોમાંથી શ્રેષ્ઠ કામગીરી કરનાર આશા વર્કર મહિલાઓને ચીખલી દિનકર ભવન ખાતે જિલ્લા પંચાયતના પ્રમુખ ડો. અમિતા પટેલના હસ્તે સન્માનિત કરવામાં આવ્યા હતા.

નવસારી જિલ્લાના દરેક ગામે આરોગ્ય સેવાઓ પહોંચાડનારી આશા વર્કરોમાંથી શ્રેષ્ઠ આશા વર્કરને જિલ્લા પંચાયતના પ્રમુખ ડો. અમિતા પટેલના હસ્તે સન્માનિત કરવામાં આવ્યા હતા. સાથે જ નવસારી જિલ્લાની 6000થી વધુ આશા વર્કર મહિલાઓ પુલવામામાં આતંકી હુમલામાં શહિદ થનાર વીર જવાનોને 2 મિનિટ મૌન પાડી શ્રદ્ધાંજલિ આપી હતી.

નવસારી જિલ્લા આરોગ્ય વિભાગ દ્વારા જિલ્લાના ગામડાઓ તેમજ શહેરોમાં અને ખાસ કરીને અંતરિયાળ વિસ્તારમાં લોકોને ઘરે બેઠા આરોગ્યની સેવાઓ મળી રહે એ હેતૂથી સરકાર દ્વારા આશા વર્કરોની નિમણુંક કરવામાં આવી છે. આરોગ્ય ક્ષેત્રે અવિરત કાર્યરત આશા વર્કર મહિલાઓને જિલ્લા પંચાયત દ્વારા દર વર્ષે સન્માનિત કરવામાં આવે છે.

જેમાં આ વર્ષે ચીખલીના દિનકર ભવન ખાતે આયોજીત કાર્યક્રમમાં જિલ્લાની શ્રેષ્ઠ આશા વર્કર મહિલાઓને જિલ્લા પંચાયતના પ્રમુખ ડો. અમિતાબેન પટેલ સહિતના આગેઆનોના હસ્તે પ્રશસ્તિ પત્ર આપીને સન્માનિત કરવામાં આવી હતી. સાથે જ નવસારી જિલ્લાની 6000થી વધુ આશા વર્કર મહિલાઓ પુલવામામાં આતંકી હુમલામાં શહિદ થનાર 40 વીર જવાનોને 2 મિનિટ મૌન પાડી શ્રદ્ધાંજલિ અર્પણ કરી હતી.