બાળકો પોતાની મરજીથી નહીં પણ મજબૂરીમાં કામ કરે છે: દ્રષ્ટિ જયસ્વાલ

ગરીબી અને મજબૂરી સમાજમાં નાના બાળકોને પણ મજૂરી કરવા માટે મજબૂર કરી દે છે. શહેર અને ગામડાઓમાં ભીખ માંગતા બાળકો કરતા મજૂરી કરતા બાળકો વધુ જોવા મળે છે. ત્યારે 12 જૂન બાળ મજુરી નિષેધ દિવસ તરીકે ઉજવવામાં આવે છે. શનિવારે બાળ મજુરી નિષેધ દિવસે ગિરીશ વર્લ્ડ રેકોર્ડ સ્થાપવાનો પ્રયાસ કરનારી નવસારીની નાનકડી દ્રષ્ટિ જયસ્વાલે પણ બાળ મજૂરી ઉપર નવસારીના દુધિયા તળાવના વૉક-વે પર ફુગ્ગા વેચી બાળકોને બાળપણ આપવાનો અને તેઓ મરજીથી નહિ, પણ મજબૂરીમાં મજૂરી કરતા હોવાની વાત સાથે તેમને શિક્ષિત કરી સમાજની મુખ્ય ધારા સાથે જોડવાનો સંદેશ આપ્યો હતો.

• બાળ મજુરીને નાથવા નવસારીની દ્રષ્ટિનો ફુગ્ગા વેચતો વીડિયો વાયરલ
• નાનકડી દ્રષ્ટિ જયસ્વાલે બાળ મજુરી કરતી બાળા બની સમાજને મેસેજ આપવાનો કર્યો પ્રયાસ
• દ્રષ્ટિના મોનો એક્ટ દ્વારા સમાજમાં બાળ મજૂરી કરતા બાળકોનું બાળપણ સવારવાનો સંદેશ

નવસારી: સમાજમાં મજબૂરી બાળકોને પણ રસ્તા ઉપર વિવિધ વસ્તુઓ વેચવા કે અન્યત્ર મજૂરી કરવા મજબૂર કરી દે છે. ત્યારે બાળ મજુરી નિષેધ દિવસે નવસારીની નાનકડી દ્રષ્ટિ જયસ્વાલનો ફુગ્ગા વેચનારી બાળા બની, બાળકોના બાળપણને સાચવવા અને બાળકો મરજીથી નહીં, પણ મજબૂરીમાં મજૂરી કરતા હોવાનો સંદેશ આપતો વીડિયો સોશિયલ મીડિયામાં વાયરલ થયો છે. દ્રષ્ટિએ પોતાના મોનો એક્ટ દ્વારા સમાજને બાળ મજૂરી સામે ઝંઝોડવાનો પ્રયાસ કર્યો હતો.

ગરીબી અને મજબૂરી સમાજમાં નાના બાળકોને પણ મજૂરી કરવા માટે મજબૂર કરી દે છે

ગરીબી અને મજબૂરી સમાજમાં નાના બાળકોને પણ મજૂરી કરવા માટે મજબૂર કરી દે છે. શહેર અને ગામડાઓમાં ભીખ માંગતા બાળકો કરતા મજૂરી કરતા બાળકો વધુ જોવા મળે છે. રસ્તા પર ફુગ્ગા વેચવા કે કોઈક રમકડા કે ચકરડી કે બાળકોના પુસ્તકો વેચતા બાળકો મળી જતા હોય છે. ત્યારે બાળકોને તેમનું બાળપણ મળે અને શિક્ષણ થકી તેઓ પણ સમાજની મુખ્ય ધારામાં એક અલગ ચરિત્ર સાથે દેશનું નામ રોશન કરે એવા પ્રયાસો પણ થતાં હોય છે.

આ પણ વાંચો:આજે વિશ્વ બાળ શ્રમ નિષેધ દિવસ, કોરોનાના કારણે બાળ શ્રમિકોની સંખ્યામાં 84 લાખની વૃદ્ધિ

12 જૂન બાળ મજૂરી નિષેધ દિવસ તરીકે ઉજવવામાં આવે છે

12 જૂન બાળ મજૂરી નિષેધ દિવસ તરીકે ઉજવવામાં આવે છે. શનિવારે બાળ મજુરી નિષેધ દિવસે ગિનિસ વર્લ્ડ રેકોર્ડ સ્થાપવાનો પ્રયાસ કરનારી નવસારીની નાનકડી દ્રષ્ટિ જયસ્વાલે પણ બાળ મજૂરી ઉપર નવસારીના દુધિયા તળાવના વૉક-વે પર ફુગ્ગા વેચી બાળકોને બાળપણ આપવાનો અને તેઓ મરજીથી નહિ, પણ મજબૂરીમાં મજૂરી કરતા હોવાની વાત સાથે તેમને શિક્ષિત કરી સમાજની મુખ્ય ધારા સાથે જોડવાનો સંદેશ આપ્યો હતો. દ્રષ્ટિનો વિડીયો સોશ્યલ મીડિયામાં ખૂબ વાયરલ થયો છે અને લોકોએ વીડિયોની સરાહના પણ કરી છે.

આ પણ વાંચો:જુનાગઢ બાળસુરક્ષા અધિકારીએ બાળ મજૂરોને છોડાવ્યાં

સમાજને બાળ મજૂરી રોકવા માટેનો સંદેશ આપવા બનાવ્યો વીડિયો

દ્રષ્ટિના બાળ મજૂરી નિષેધ દિવસે બનાવેલા વિડીયો મુદ્દે તેની માતા એ જણાવ્યું કે, સમાજમાં બાળકો મજબૂરીમાં મજૂરી કરતા હોય છે. જેમાં પણ છોકરીઓ છોકરાઓથી ઓછી નથી હોતી. છોકરીઓ પણ મજૂરી કરી પોતાના પરિવારને મદદરૂપ થતી હોય છે, ત્યારે છોકરીઓ સમાજને એક નવી રાહ પણ ચીંધતી હોય છે. જેથી સમાજ પણ બાળ મજૂરીને દૂર કરવા આગળ આવે અને ગરીબ છોકરી અને છોકરાઓને પણ શિક્ષણ મેળવવામાં મદદરૂપ થાય એવી અપીલ કરી હતી.