કોરોનાથી રક્ષણ માટે બીલીમોરાની કંપની બનાવી રહી છે 50 હજારથી વધુ પીપીઈ સુટ

વિશ્વ કોરોના વાઇરસથી બચવા ઝઝૂમી રહ્યું છે, કારણ કોરોના વ્યક્તિથી વ્યક્તિમાં ફેલાય છે અને તે દિવસેને દવિસે ગતિએ વધી રહ્યો છે. ગુજરાતમાં પણ કોરના સંક્રમણના દર્દીઓની સંખ્યા 516 થઇ છે, જેમાં દર્દીઓની સારવારમાં જોડાયેલા આરોગ્ય કર્મીઓ પણ સંક્રમિત થયા છે. ત્યારે કોરોના સામે બચવા સુરક્ષિત રહેવા પીપીઇ કીટ જરૂરી છે, જેથી યુદ્ધના ધોરણે તેનું ઉત્પાદન શરૂ થયું છે. જેમાં નવસારીના બીલીમોરાનું યુનિટ પણ 50 હજારથી વધુ પીપીઇ કીટ બનાવી રહ્યુ છે.

નવસારી : કોરોના વાઇરસનો તોડ હજી સુધી મેડીકલ ક્ષેત્રના નિષ્ણાતો શોધી શક્યા નથી. કોરોના વાઇરસ ડીએનએ પ્રકારનો હોવાનું તારણ મળ્યું છે, જયારે કોરોના સંક્રમિત વ્યક્તિના સંપર્કમાં આવવાથી તેનું ઇન્ફેકશન લાગવાને કારણે તેનો ફેલાવો વધે છે. અત્યાર સુધીમાં કોરોઅના ત્રણ સ્તરે વધતો હોવાનું તારણ નીકળતા ભારત સરકારે 21 દિવસ સુધી દેશને તાળેબંધી કરી છે.

જોકે લોક ડાઉન દરમિયાન ગુજરાતના મોટા શહેરોમાં કોરોના હવે ત્રીજા સ્તરમાં પહોંચી રહ્યો હોય એવી સ્થિતિ બની છે, ત્યારે કોરોનાથી બચવા આરોગ્યના વિકસિત સાધનો સાથે જ હોસ્પિટલોમાં કોરોના દર્દીઓની સારવારમાં જોડાયેલા ડોકટરો, નર્સ તેમજ આરોગ્ય કર્મીઓને કોરોનાના સંક્રમણથી બચાવવા પર્સનલ પ્રોટેકશન ઈકવીપમેન્ટ ખુબ જ જરૂરી બન્યા છે. જોકે પર્યાપ્ત માત્રામાં પીપીઇ સુટ નહિ હોવાથી તેનું ઉત્પાદન યુદ્ધના ધોરણે કરવું જરૂરી બન્યુ છે.

નવસારી જિલ્લામાં હજી સુધી એક પણ કોરોના સંક્રમિત કેસ સામે આવ્યો નથી, તંત્રએ કોરોના સામેની જંગની તૈયારી કરી છે, જેમાં નવસારી જિલ્લામાં માત્ર 500 પીપીઇ કીટ ઉપલ્બધ હોવાનું સરકારી આંકડા સામે આવ્યા છે. બીજી તરફ ગુજરાતમાં અત્યાર સુધીમાં 516 કોરોનાના દર્દીઓ મળ્યા છે, જેમાં કોરનાના દર્દીઓની સારવારમાં જોળાયેલા આરોગ્ય કર્મીઓને પણ સંક્રમણ લાગ્યું હોવાનું સામે આવ્યું છે.

તેથી જ પર્સનલ પ્રોટેકશન ઈકવીપમેન્ટ સુટની જરૂરિયાત ઉભી થઇ છે, ત્યારે પીપીઈની માંગ પૂરી કરવા નવસારીના બીલીમોરા શહેરમાં એક ખાનગી કંપની દ્વારા રોજના 300 થી વધુ સુટનું ઉત્પાદન કરવામાં આવી રહ્યું છે. જયારે કંપની પાસે હાલ 50 હજારથી વધુ પીપીઈ (પર્સનલ પ્રોટેકશન ઈકવીપમેન્ટ) કીટ બનાવવો ઓર્ડર છે.