મોરબીમાં તંત્રએ નવલખી પોર્ટની મુલાકાત લઈ પરિસ્થિતિની કરી સમીક્ષા

મોરબીઃ જિલ્લામાં વાયુ વાવાઝોડું ફંટાઈ રહ્યું છે અને હવે બહુ જોખમ રહ્યું નથી. આ ઉપરાંત પણ નવલખી પોર્ટ ખાતે તમામ કામકાજ બંધ જોવા મળે છે. જેની જિલ્લા કલેક્ટર, DYSP, આર્મીના જવાનો અને પોલીસ ટીમે બંદરની મુલાકાત લઇ અને પરિસ્થિતિની સમીક્ષા કરી હતી.

સમગ્ર બાબતે પોર્ટ ઓફિસરના જણાવ્યાં અનુસાર હજુ દરિયામાં કરંટ જોવા મળે છે અને 50 કિમીની ઝડપે પવન ફૂંકાઈ રહ્યો છે. આ સાથે જ વરસાદ આવવાની શક્યતા હોય જેથી તમામ તકેદારીના પગલા લેવાઈ રહ્યા છે. પોર્ટની કામગીરી હાલ સંપૂર્ણ બંધ જ છે. તેમજ ઉપરી લેવલથી સુચના ન મળે ત્યાં સુધી કામકાજ બંધ રાખવામાં આવશે તેવુ વધુમાં જણાવ્યું હતુ.