મોરબીમાં વેક્સિનેશનને વેગવંતુ બનાવવા વિદ્યાર્થીઓ ચલાવશે જાગૃતિ અભિયાન

કોરોના(Corona)થી રક્ષણ આપતું રસીકરણ(vaccination) અભિયાન ચાલી રહ્યું છે. જેને વેગવંતુ બનાવવા કોલેજના વિદ્યાર્થીઓ શું કાર્ય કરી શકે? તેની સમજ આપવા તેમજ કોલેજ અને વિદ્યાર્થીઓના માધ્યમથી રસીકરણ(vaccination) ને વેગ આપવા વીરપર નજીકના નવયુગ સંકુલ ખાતે સૌરાષ્ટ્ર યુનિવર્સિટી(Saurashtra University)ના કુલપતિ અને ઉપકુલપતિની ઉપસ્થિતિમાં મીટીંગ યોજવામાં આવી હતી. જેમાં મોરબી (Morbi)જિલ્લાની 25 કોલેજના ટ્રસ્ટીઓ અને આચાર્ય ઉપસ્થિત રહ્યા હતા.

• કુલપતિ-ઉપકુલપતિની સ્થિતિમાં નવયુગ સંકુલમાં ટ્રસ્ટીઓ અને પ્રિન્સીપાલ સાથે બેઠક યોજાઈ
• કોરોનાથી રક્ષણ મેળવવા રસીકરણ અભિયાન કરાયું શરૂ
• વિદ્યાર્થીઓને રસીકરણ અભિયાન અંગે અપાઇ સમજ

મોરબીઃ સમગ્ર દેશમાં કોરોના(Corona)થી બચવા માટે રસીકરણ (vaccination)અભિયાન શરૂ કરવામાં આવ્યું છે. ત્યારે આ અભિયાનને વેગવંતું બનાવવા માટે કોલેજના વિદ્યાર્થીઓ આગળ આવી કઇ રીતે મદદ કરી શકે એ વિશે સમજ આપવામાં આવી હતી. જે અંતર્ગત નવયુગ સંકુલ ખાતે મીટીંગ યોજવામાં આવી હતી.

આ પણ વાંચોઃ IndiGo offers: કોરોના રસી લીધેલા યાત્રિકો માટે સારા સમાચાર, ઇન્ડિગો આપશે બુકિંગમાં છૂટ

25 કોલેજના ટ્રસ્ટી અને પ્રિન્સીપાલ ઉપસ્થિત રહ્યા હતા

નવયુગ સંકુલ ખાતે આયોજિત મીટીંગમાં સૌરાષ્ટ્ર યુનિવર્સિટી(Saurashtra University)ના કુલપતિ ડો. નીતિન પેથાણી, ઉપકુલપતિ ડો. વિજય દેશાણી તેમજ નવયુગ સંકુલના પ્રમુખ પી.ડી.કાંજીયા, પાલિકાના કારોબારી ચેરમેન સુરેશભાઈ દેસાઈ, નવયુગ કોલેજના ટ્રસ્ટી બળદેવભાઈ સહિતના અગ્રણીઓ તેમજ મોરબી જિલ્લાની 6 સરકારી અને 19 સેલ્ફ ફાઇનાન્સ કોલેજ મળીને 25 કોલેજના ટ્રસ્ટી અને પ્રિન્સીપાલ ઉપસ્થિત રહ્યા હતા.

આ પણ વાંચોઃ Corona vaccination campaign : પરીક્ષા પૂર્વે જૂનાગઢમાં મહિલા કોલેજની 300 વિદ્યાર્થીનીઓને રસીથી સુરક્ષિત કરાઈ

રસીકરણ અંગે લોકોને સાચી દિશા આપવાનું કામ શિક્ષણ વિભાગનું છે

મીટીંગમાં કુલપતિએ જણાવ્યું હતું કે, કોરોના(Corona) સામે રક્ષણ આપતું રસીકરણ (vaccination)અભિયાન ચાલી રહ્યું છે. જે અંગે અનેક માન્યતાઓ, ગેરસમજ લોકોમાં જોવા મળે છે, ત્યારે લોકોને સાચી દિશા આપવાનું કામ શિક્ષણ વિભાગનું છે. જેથી દરેક કોલેજના પ્રિન્સીપાલ, પ્રોફેસર કોલેજના વિદ્યાર્થીઓને માર્ગદર્શન આપે અને કોલેજના વિદ્યાર્થીઓ પોતે રસી(vaccine) મુકાવે તેમજ પરિવાર અને પોતાના શેરી, મહોલ્લાના લોકોને રસીકરણ (vaccination) માટે જાગૃત કરે તે અંગે ચર્ચા કરવામાં આવી હતી.

મુલ્યાંકન કરીને 5 કોલેજની પસંદગી કરવામાં આવશે

મોરબીની 25 કોલેજના વિદ્યાર્થીઓ અને પ્રોફેસર દ્વારા ચલાવવામાં આવનાર જાગૃતતા અભિયાનનું મૂલ્યાંકન કરીને 5 કોલેજની પસંદગી કરાશે, તેમ પણ જણાવ્યું હતુ.