મોરબીમાં 7 કંપનીએ 100 જગ્યાઓ માટે કર્યું જોબ ફેરનું આયોજન

મોરબી: રોજગાર વિનિયમ કચેરી મોરબી દ્વારા ગુરુવારના રોજ રોજગાર વાચ્છુક યુવાનો માટે જોબ ફેરનું આયોજન આર્ટસ કોલેજ ખાતે કરવામાં આવ્યું હતું. જે જોબ ફેરમાં 7 કંપનીઓએ યુવાનોને જોબ ઓફર કરી હતી.

પ્રાપ્ત વિગતો અનુસાર, મોરબીમાં રોજગાર વિનિયમ કચેરી દ્વારા ભરતી મેળાનું આયોજન કરવામાં આવ્યું હતુ. જેમાં રોજગાર અધિકારીના જણાવ્યા અનુસાર, 100 જેટલી ખાલી જગ્યાઓ ભરવા માટે 7 કંપનીઓ આવી હતી અને રોજગાર કચેરી દ્વારા 500 યુવાનોને લેટર પાઠવી તેમજ 500 વિદ્યાર્થીઓને ઈમેલથી જાણ કરવામાં આવી હતી. આ રોજગાર મેળામાં 150 થી વધુ યુવાનો ઉપસ્થિત રહ્યા હતા અને ઈન્ટરવ્યુ આપ્યા હતા.