મોરબી જિલ્લા આઉટસોર્સ કર્મચારીઓ દ્વારા જિલ્લા કલેકટરને પાઠવેલા આવેદનમાં જણાવ્યું હતું કે, આઉટસોર્સ કર્મચારીઓ એજન્સી થકી જુદા જુદા તાલુકાઓમાં કોમ્પ્યુટર ઓપરેટર, સેવક, ડ્રાઈવર અને સફાઈ કામદાર તેમજ ચોકીદાર તરીકે વિવિધ કચેરીમાં ફરજ બજાવે છે.રેગ્યુલર કર્મચારીઓ સાથે આઉટસોર્સ કર્મચારીઓ પણ ખંતપૂર્વક કામગીરી કરે છે અને ફરજ નિભાવી રહ્યા છે.
મોરબીના આઉટસોર્સ કર્મચારીઓએ વિવિધ મુદ્દાઓને લઇ કલેકટરને પાઠવ્યું આવેદનપત્ર - morbi samachar
મોરબીઃ જિલ્લાના વિવિધ તાલુકામાં ફરજ બજાવતા આઉટસોર્સ કર્મચારીઓ પગાર અને PF સહિત મુદ્દે લડાયક મૂડમાં જોવા મળી રહ્યા હતા અને કર્મચારીઓએ જિલ્લા કલેકટરને આવેદન પાઠવીને યોગ્ય કાર્નયવાહી નહી કરાય તો આગામી 1 જાન્યુઆરીથી હડતાલની ચીમકી ઉચ્ચારી હતી.
મોરબીના આઉટસોર્સ કર્મચારીઓ વેતન મુદે લડાયક મુડમાં, હડતાલની ચીમકી
આઉટસોર્સ કર્મચારીઓને રવિવારની રજા બાદ કરતા કુલ 26 દિવસનો પગાર ચૂકવાય છે તેમજ રજાના દિવસોમાં પણ ફરજ બજાવતા હોય છે છતાં કર્મચારીઓને ચુકવાતું વેતન ખુબ ઓછું છે.
પગાર,દિવાળી બોનસ અને PF ચુકવવામાં આવતું નથી, એજન્સી તરફથી આઉટસોર્સ કર્મચારીઓ એજન્સીમાં જોડાયા ત્યારથી આજદિન સુધી PF ખાતા નંબર તથા પગાર બીલની સ્લીપ કર્મચારીને મળી નથી.ટેલીફોનીક અને એજન્સીને રૂબરૂ જાણ કરવા છતાં માંગણીઓ પૂરી કરવામાં આવી નથી જેથી બાકી રહેતો પગાર, દિવાળી બોનસ અને PF ચુકવવામાં નહિ આવે તો બધા આઉટસોર્સ કર્મચારીઓ 1 જાન્યુઆરીથી કચેરી કામગીરીથી દુર રહીશું તેમ જણાવ્યું હતું.