ચક્લીની ચિંતાઃ મોરબીના આ વ્યક્તિએ કર્યુ એવું તમે પણ કરી શકો છો!

મોરબીઃ લુપ્ત થતી ચકલીની પ્રજાતિને બચાવવા માટે અનેક સેવાભાવી સંસ્થાઓ અભિયાન ચલાવે છે અને ચકલીના માળાનું નિશુલ્ક વિતરણ કરતા હોય છે. ત્યારે ચકલી બચાવો અભિયાન માટે મોરબીના એક આધેડે વેસ્ટમાંથી બેસ્ટનું અનોખું અભિયાન ચલાવી રહ્યા છે.

મોરબી શહેરમાં રુદ્રા ઇન્ફોટેક નામની પેઢીના સંચાલક મૌલિકભાઈ વડાવીયા CCTV કેમેરાના વ્યવસાય સાથે જોડાયેલા છે.તેમના પિતા રમેશભાઈ એ CCTVના ખાલી બોક્સ ફેકી દેવાને બદલે તેનો સદુપયોગ કરીને ચકલીના માળા બનાવવાનું અભિયાન શરુ કર્યું છે.

મોરબીમાં ખાલી બોક્સનો ઉપયોગ કરી બનાવ્યા પક્ષીના માળા...

વેસ્ટ માંથી બેસ્ટ બનાવેલા માળા આગામી દિવસોમાં મોરબીના મકાનો, ફેક્ટરી સહિતના સ્થળે લગાવવામાં આવશે. રમેશભાઈની પક્ષીઓ પ્રત્યેની સંવેદનાને સૌ કોઈ આવકારી રહ્યા છે.