મોરબી: હળવદના ચરાડવા ગામમાં આવેલી એસબીઆઈ બેન્કના કર્મચારીએ ગ્રાહક સાથે ઝપાઝપી કરી હોવાની ઘટના સામે આવી છે. જે મામલાનો વીડિયો સોશિયલ મીડિયામાં વાયરલ થતા ચકચાર મચી હતી.
હળવદના ચરાડવાની SBI બેંકમાં વૃદ્ધ ગ્રાહક સાથે બેંક કર્મચારીએ કરી બોલાચાલી
હળવદ તાલુકાના ચરાડવા ગામમાં આવેલી SBI બેંકમાં વૃદ્ધ ગ્રાહક સાથે બેંક કર્મચારીએ દુર્વ્યવહાર કરી હોવાની ઘટના સામે આવી છે. ઘટના સ્થળે લોકો સામે બેંક કર્મચારીએ વૃદ્ધ ગ્રાહક સાથે બોલાચાલી બાદ હાથચાલાકી કરી તેમને અપશબ્દો બોલી અપમાન કર્યું હતું. જેનો વીડિયો પણ સોશિયલ મીડિયામાં વાયરલ થઈ રહ્યો છે.
હળવદના ચરાડવાની SBI બેંકમાં વૃદ્ધ ગ્રાહક સાથે બેંક કર્મચારીએ કરી બોલાચાલી
ચરાડવામાં આવેલી એસબીઆઈ બેન્કના કર્મચારી રાજુ પિત્રોડાએ ગ્રાહક સાથે ઝપાઝપી કરી હતી. પાસબુુુકમાં એન્ટ્રી કરાવવા આવેલા ગ્રાહક સાથે અપશબ્દો બોલીને અપમાન કર્યું હતું. આ સમગ્ર ઘટનાનો વીડિયો સોશિયલ મીડિયામાં વાયરલ થયો હતો. ગ્રાહકનો કોલર પકડીને અપશબ્દો બોલતો વીડિયો સોશિયલ મીડિયામાં વાયરલ થતા ચકચાર મચી હતી. ત્યારે, સવાલ ઉભો થાય છે કે, ગ્રાહક સાથે અશોભનીય વર્તન કરનારા બેંક કર્મચારી સામે કાર્યવાહી કરાશે? કે ભીનું સંકેલાઈ જશે તેવી ચર્ચા પણ ચાલી રહી છે.