મોરબીઃ જિલ્લામાં મે મહિના સુધી કોરોના કહેર ખાસ જોવા મળ્યો નહોતો. પ્રથમ ચાર પોઝિટિવ કેસના દર્દીઓ પણ સ્વસ્થ થઈને ડીસ્ચાર્જ પણ થઇ ચુક્યા હતા, ત્યારે હવે મોરબીમાં પણ કોરોના કહેર વર્તાઈ રહ્યો છે. 17 જૂને એક જ દિવસમાં ત્રણ કોરોના પોઝિટિવ કેસ નોંધાતા આરોગ્ય તંત્ર દોડતું થયું છે.
મોરબી જિલ્લામાં વધુ 3 કેસ પોઝિટિવ આવતા તંત્ર દોડતું થયું
હળવદના સોનીવાડ વિસ્તારમાં રહેતા સોની દંપતીનું અમદાવાદમાં પણ મકાન છે. જ્યાં તેમનો દીકરો રહેતો હોવાથી આવન જાવન કરતા હોય છે. ગઈકાલે તે બંનેના સેમ્પલ લેવાયા હતા. જે પોઝિટિવ આવ્યા હતા ત્યારે તપાસ કરતાં આ દંપતીની ટ્રાવેલ હિસ્ટ્રી અમદાવાદની હોવાનું જાણવા મળ્યું હતું. હાલ, આ દંપતી અમદાવાદ પોતાના ઘરે જ સારવાર લઇ રહ્યા છે.