મહેસાણા: યુવકને હની ટ્રેપમાં ફસાવી પૈસા પડાવવાના ષડયંત્રમાં 2 પત્રકાર સહિત 5 આરોપીઓની અટકાયત

મહેસાણાઃ વડોદરાના યુવકને હની ટ્રેપમાં ફસાવી પૈસા પડાવવાના ષડયંત્રમાં 2 પત્રકાર સહિત 5 આરોપીઓની અટકાયત કરવામાં આવી છે.

મહેસાણામાં દ્રષ્ટિ દવે નામની એક મહિલા દ્વારા બરોડાના યુવકને મંદિરમાં દાન મેળવવા બોલાવી, ત્યારે મહેસાણા આવેલ આ યુવકને મહિલા એક મકાનમાં લઈ ગયા બાદ અને એક સ્ત્રી અને 3 જેટલા ઈસમો આવી CID ક્રાઈમ, સહિતની ઓળખ આપી યુવકને હની ટ્રેપમાં ફસાવવા પ્રયાસ કરેલ જોકે સમય સુચકતા થી બીમારીનું બહાનું બતાવી સ્વબચાવ કરી ભાગી છુટેલ હતો.

યુવકે પોતાની પત્નીને સમગ્ર પ્રકરણ જણાવતા પત્નીએ હિંમત આપતા ભોગ બનનારે મહેસાણા B ડિવિઝન પોલીસ મથકે પોતાની ફરિયાદ નોંધાવી હતી. જે ગુન્હાની તપાસ કરતા મહેસાણા પોલીસે ફરિયાદીને મહેસાણા બોલાવી યુવતીઓની મદદથી ખોટી રીતે હનીટ્રેપ ગોઠવી યુવકને દુષ્કર્મના ગુન્હામાં ફસાવી દેવાની ધમકી આપી 10 લાખ રૂપિયા ની માંગણી કરવા મામલે 5 જેટલા આરોપીઓને ઝડપી પાડ્યા છે. જેમાં 2 મહિલા અને 3 પુરુષની પોલીસે અટકાયત કરી જેમાં સરોજ ચાવડા નામની મહિલા અને ચંદ્રેશ રાઠોડ નામની 2 વ્યક્તિ પત્રકાર હોવાની માહિતી સામે આવી હતી. ત્યારે પોલીસે તમામની સઘન પૂછપરછ હાથ ધરી છે.