'ધ ફિનોમિનલ શી' પુસ્તિકામાં લીલાબેન અંકોલીયાને મળ્યું સ્થાન

મહીસાગર : ગુજરાત રાજ્યના મહિલા આયોગના અધ્યક્ષ લીલાબેન અંકોલીયાને 'ધી ફિનોમિનલ શી' પુસ્તિકામાં સ્થાન મળ્યું છે. દેશની સૌથી વધુ મજબૂત મહિલાઓ અંગે ઇન્ડિયન નેશનલ બાર એસોસીએશન (INBA) દ્વારા 2019માં સર્વે હાથ ધરવામાં આવ્યો હતો. જેમાંથી તૈયાર કરાયેલા પુસ્તક 'ધી ફિનોમિનલ શી' ની બીજી આવૃત્તિ 2019માં ગુજરાત રાજ્ય મહિલા આયોગના અધ્યક્ષ લીલાબેન અંકોલીયાને સ્થાન મળ્યું છે.

લીલાબેનના નેતૃત્વ હેઠળ રાજ્યમાં 207 નારી અદાલત શરૂ કરવામાં આવી છે. આવી નારી અદાલત શરુ કરનાર ગુજરાત પ્રથમ રાજ્ય બન્યું છે, જેમાં 400 મહિલાઓ કામ કરી રહીં છે.

અહીં મહિલા અધિકાર અને તેમના કલ્યાણને લગતા પ્રશ્નો 15 દિવસમાં જ નિ:શુલ્ક ઉકેલવામાં આવશે. ગુજરાત સ્ટેટ કમિશને મહિલાઓને લગતા પ્રશ્નો માટે હેલ્પ લાઈન નંબર- 1800 233 1111 શરૂ કરી છે. સમગ્ર દેશમાં નારી અદાલતો ખોલી તેનુ અમલીકરણ કરવામાં આવશે.