લુણાવાડા: તારીખ 10 મે સુધી યોજાયેલી આ સ્પર્ધામાં મહીસાગર જિલ્લામાં પ્રાથમિક વિભાગમાં ચિત્રસ્પર્ધાની 1296, નિબંધ સ્પર્ધાની 744 અને કાવ્ય લેખનની 284 મળીને કુલ 2324 કૃતિઓ મળી હતી. જ્યારે માધ્યમિક અને ઉચ્ચત્તર માધ્યમિક વિભાગમાં ચિત્ર સ્પર્ધાની 3063, નિબંધ સ્પર્ધાની 2347 અને કાવ્ય લેખનની 789 મળીને કુલ 6199 કૃતિઓ પ્રાપ્ત થઇ છે.
મહીસાગરમાં ગુજરાત ગૌરવ દિન નિમિત્તે ચિત્ર અને નિબંધ-કાવ્યલેખન સ્પર્ધા યોજાઇ - નિબંધ અને કાવ્યલેખન સ્પર્ધા યોજાઇ
રાજ્ય સરકાર દ્વારા તારીખ 1 મેના રોજ પ્રાથમિક, માધ્યમિક અને ઉચ્ચત્તર માધ્યમિક શાળાઓના વિદ્યાર્થીઓ માટે ગુજરાત ગૌરવ દિન નિમિત્તે ચિત્ર સ્પર્ધા, નિબંધ સ્પર્ધા અને કાવ્ય લેખન સ્પર્ધા યોજવામાં આવી હતી. તેમાં ગુજરાતની તમામ પ્રકારની શાળાઓમાં અભ્યાસ કરતા વિદ્યાર્થીઓને ભાગ લેવા અપીલ કરવામાં આવી હતી. તે અંતર્ગત મહીસાગર જિલ્લાના વિદ્યાર્થીઓએ પોતાની કૃતિ જિલ્લા શિક્ષણાધિકારીને નિયત કરેલ ઈ-મેઈલ એડ્રેસ પર ઉત્સાહભેર સ્પર્ધામાં ભાગ લઇ મોકલી આપી હતી.
મહીસાગરમાં ગુજરાત ગૌરવ દિન નિમિત્તે ચિત્ર, નિબંધ અને કાવ્યલેખન સ્પર્ધા યોજાઇ
આમ, પ્રાથમિક અને માધ્યમિક વિભાગમાંથી કુલ 8523 જેટલી કૃતિઓ પ્રાપ્ત થઇ છે. આ સ્પર્ધાઓમાં માધ્યમિક વિભાગમાં મહીસાગર જિલ્લાના 6199 સ્પર્ધકોએ ઉત્સાહભેર ભાગ લઇ નોંધણીમાં રાજ્યમાં બીજા ક્રમે રહ્યો છે. આ કૃતિઓની જિલ્લા શિક્ષણ અને તાલીમ ભવન સંતરામપુર મારફતે ચકાસણી હાથ ધરવામાં આવશે.
આ અંગે માહિતી આપતા જિલ્લા શિક્ષણાધિકારી શિલ્પાબેન પટેલે વિદ્યાર્થીઓને પ્રોત્સાહિત કરતા જણાવ્યું કે, બંને વિભાગોમાં જિલ્લા કક્ષાએ દરેક સ્પર્ધામાં પ્રથમ આવનાર વિદ્યાર્થીને રૂપિયા 15,000 બીજા નંબરે આવનાર વિદ્યાર્થીને રૂપિયા 11,000 અને ત્રીજા નંબરે આવનાર વિદ્યાર્થીને રૂપિયા 5,000નું પારિતોષિક આપવામાં આવશે આ સ્પર્ધાથી વિદ્યાર્થીઓની સુષપ્ત શક્તિઓ ઉજાગર થશે.