મહીસાગર જિલ્લાના બાલાસિનોરમાં ફરિયાદી મહિલાને દાંતમાં તકલીફ થતાં તે હોસ્પીટલમાં સારવાર અર્થે ગઈ હતી. અવાર નવાર હોસ્પિટલમાં જવાનું થતું હોવાથી હોસ્પીટલમાં કેસ કાઢનારા રૂખશારબાનુ સાથે તેમની મુલાકાત થતી હતી. રૂખશારબાનુને બાલાસિનોરમાં રહેતા નશીબખાન સાથે પ્રેમ સબંધ હોવાના કારણે રૂખશારબાનુએ કોઈક સમયે મોબાઈલથી ફરિયાદી મહિલાના ડો.કૃણાલ સાથેના પાડેલા તમામ ફોટા તેના પ્રેમી નશીબખાનના મોબાઇલમાં મોકલી દીધા હતા.
બાલાસિનોરમાં યુવતીને બ્લેકમેલ કરી અનેકવાર પૈસા પડાવ્યા, યુવતીએ ફરિયાદ દાખલ કરી
મહીસાગર: બાલાસિનોરમાં યુવકે મહિલાને બ્લેકમેલ કરી પૈસા પડાવ્યાનો મામલો સામે આવ્યો છે. બાલાસિનોરની ક્રિશ્ના હોસ્પિટલના ડોક્ટરની સાથે યુવતીનો ફોટો સોશિયલ મીડીયામાં વાયરલ કરવાની ધમકી આપી તેની સાથે અનેકવાર બળાત્કાર થયાની ફરિયાદ બાલાસિનોર પોલીસ સ્ટેશને યુવતી દ્વારા નોંધવામાં આવી છે. જે આધારે બાલાસિનોર પોલીસે 376 મુજબ કેસ દાખલ કરી આરોપી યુવકને પકડવા તજવીજ હાથ ધરી છે. હાલમાં આ યુવક ફરાર છે.
સોશિયલ મીડીયામાં ડોક્ટર સાથેના ફોટા વાઇરલ કરી બ્લેક મેલ કર્યાની ફરીયાદ દાખલ
જેને લઇને નશીબખાન વારંવાર ફોટાઓ સોશિયલ મીડિયામાં વાયરલ કરવાની ફરિયાદીને ધમકી આપતો હતો. જેને લઈ તે તેની પાસે સોનાના ઘરેણાં, પૈસા તેમજ અનેકવાર તેની સાથે બળાત્કાર ગુજાર્યો હતો. આ સમગ્ર ટોર્ચરીંગ અને હીંચકારા કૃત્યથી કંટાળીને યુવતીએ આખરે પોલીસ ફરિયાદ દાખલ કરતાં પોલીસે નશીબખાન અનવરખાન પઠાણ અને રૂખશારબાનુ વિરુદ્ધ ઈ.પી.કો. 376 N, 406, 420,114 મુજબ ગુનો નોંધી આગળની વધુ તપાસ હાથ ધરી છે. હાલમાં બંને આરોપી પોલીસ પકડથી બહાર છે.