કચ્છની વિઘાકોટ સરહદેથી પાકિસ્તાની ઘુસણખોર પકડાયો

કચ્છઃ જમીની સરહદ વિઘાકોટ પાસેથી BSFની પેટ્રોલિંગ ટુકડીએ પાકિસ્તાની ઘુસણખોરને ઝડપી પાડયો છે. હાલ સંદિગ્ધ ઘુસણખોરની બીએસએફ દ્વારા પુછપરછ ચાલી રહી છે. આ અંગે સત્તાવાર જાહેરાત થોડા સમયમાં થશે.

મળતી માહિતી મુજબ ગત સાંજે BSFની એક ટુકડી વિઘાકોટ પાસે પેટ્રોલિંગમાં હતી, ત્યારે ભારતીય સીમમા ધુસણખોર શખ્સ મળી આવ્યો હતો. આ શખ્સ પાકિસ્તાન અને ભારત વચ્ચેની આંતરરાષ્ટ્રીય સીમા પાર કરીને ભારતમાં પ્રવેશ્યો હતો.
કચ્છ બીએસએપના ડીઆઈજી સમંદરસિંહ દબાસે એક પાકિસ્તાની ઘુસણખોર પકડાયાની વાતને સમર્થન આપીને વધુ વિગતો સ્પષ્ટ કરવાનો ઈન્કાર કર્યો હતો. પુછપરછ બાદ આ ઘુસણખોરને પોલીસને સોંપવામાં આવશે