કચ્છ :લોકોની એકબીજા પ્રત્યેની લાગણી એટલે પ્રેમ, એકબીજા પ્રત્યેનો વિશ્વાસ એટલે પ્રીત અને એકબીજા માટે કંઇક કરી છુટવાની ભાવના એટલે પ્યાર. વિદેશમાં થઇ ગયેલા સંત વેલેન્ટાઇનની યાદમાં વિશ્વભરમાં વેલેન્ટાઇન ડેની ઉજવણી કરવામાં આવી રહી છે. 14મી ફેબ્રુઆરી એટલે વેલેન્ટાઈન ડે. આ દિવસે લોકો એકબીજાને પ્રેમનો એકરાર કરે છે. તેમજ ગિફ્ટ તેમજ કાર્ડસની આપ લે કરી આ દિવસની ઉજવણી કરે છે. ત્યારે કચ્છના ભૂજમાં કપલ લોકો માટે બજારમાં સતરંગી ગિફ્ટ જોવા મળી રહી છે.
7 દિવસનું વેલેન્ટાઈન વીક :ભુજના ગિફ્ટ વેપારી હેમેન શાહે જણાવ્યું હતું કે, કોરોના કાળ બાદ એવું લાગી રહ્યું છે કે બજાર બરાબર રીતે હવે ખુલ્લી છે અને લોકો ખરીદી કરી રહ્યા છે. વેલેન્ટાઇન ડે તેમજ વેલેન્ટાઈન ડે પહેલાના 7 દિવસનું વેલેન્ટાઈન વિક પણ લોકો સેલિબ્રેટ કરતા હોય છે. આ વર્ષે મલ્ટી લાઇટીંગ ગ્લાસ વુડનવાળા ડોમ સંખ્યાબંધ વેરાયટીઓ આવેલ છે. જેમાં કપલ સ્ટેચ્યુ, ફ્લાવર, હાર્ટ, લવ લખેલું હોય છે.
વિવિધ આઈટમ : બેન્ચીસ પર બેઠેલા કપલ શોપીસ, ઝુલામાં કપલ શોપીસ, કપલ ચકેરી વાળા, મ્યુઝિકલ ગ્લોબલ શોપીસ, ફોરપીસ બંટી બબલી શોપીસ, હેડફોન વાળા કપલ શોપીસ, ઘોડાની બગીવાળા શોપીસ, લાઇટીંગ મ્યુઝીકલવાળા ઘર આકારના કપલ શોપીસ, સાઇકલ સાથેના કપલ શોપીસ, પોલીસ્ટોનના શોપીસમાં વિવિધ કલર શોપીસ તદ્દન નવા જ પ્રકારના આવેલ છે. ઉપરાંત હાલમાં ચોકલેટ, ટેડી અને ફૂલના જુદાં જુદાં બુકે પણ ટ્રેડિંગમાં છે.
કપલ માટે હોટ ફેવરિટ :વધુમાં તેમણે જણાવ્યું હતું કે, સાથે જ ગોલ્ડન રોઝ, રેડ રોઝ આકર્ષક ગિફ્ટ બોકસમાં આવેલ છે. સોફ્ટ ટોઇઝના ત્રણ ઇંચની 4 ફુટની સાઇઝના હાર્ટ જેમાં અલગ અલગ લવના લખાણ પ્રિન્ટેડ કરેલ હોય છે. મીસ્ટર- મીસીસ, કિંગ-ક્વીન મીસ્ટર ઓલવેજ રાઈટ વગેરે લખાણવાળા ફેન્સી આકર્ષક કલરના મગ આવેલ છે. ટેડી બિયર બે ઇંચથી છ ફૂટ સુધીના અલગ અલગ કલરોમાં આવેલા છે.