દેશપ્રેમની પ્રેરક વાતઃ સફાઈ કામદારોની ચિંતા, નિશુલ્ક શાકભાજી, વૃદ્ધાનું દાન, PIની ફરજનિષ્ડા અને નિવૃત સૈનિકનો દેશપ્રેમ

કચ્છમાં કોરોના મહામારી સામે સાવચેતી અને સજાગતા સાથે તંત્ર, સંસ્થાઓ અને સેવાભાવી કોરોના કમાન્ડો વિવિધ જવાબાદારી નિભાવી પોતાનું યોગદાન આપી રહ્યાં છે. કેટલીક નાની પણ અણમોલી વાત, જેનાથી કોરોનાનો જંગ જીતવાની આશા વધુ બળવત્તર બની જાય છે.

ભૂજઃ કચ્છમં કોરોના મહામારી સામે સાવચેતી અને સજાગતા સાથે તંત્ર, સંસ્થાઓ અને સેવાભાવી કોરોના કમાન્ડો વિવિધ જવાબાદારી નિભાવી પોતાનું યોગદાન આપી રહ્યાં છે. કચ્છના સાંસદે ગણવેશ વિનાના દેશસેવામાં સેવા આપી રહેલા સફાઈ કામદારોની ચિંતા સેવી છે તો ભૂજમાંં મા ભારતી ચેરિટેબલ ટ્રસ્ટ શાકભાજીનુ નિશુલ્ક વિતરણ કરી રહી છે. પશ્ચિમ કચ્છ પોલીસના પીઆઈ પુત્રજન્મની ખુશીને દૂર રાખીને દેશસેવા કરી રહ્યાં છે. તો એક વૃ્દ્ધાએ કામ કરીને બચાવેલી મુડી દેશસેવામાં આપી છે. દેશસેવા માટે સૈનિક બનેલા એક નિવૃત જવાને પેન્શનની રકમ દાનમાં આપી છે. જાણો સંપુર્ણ વિગતો.

કચ્છના સાંસદ વિનોદભાઈ ચાવડા અને તેમના ટ્રસ્ટ સમાજ નવનિર્માણ ટ્રસ્ટના સર્વે ટ્રસ્ટીઓએ કોરોના સામે મહાયુદ્ધમાં કારગર સેવા આપતાં આપણાં સફાઈકર્મી ભાઈબહેનોની સેવાને બિરદાવતાં કચ્છની છ નગરપાલિકાઓ સાથે મોરબી નગરપાલિકામાં કોન્ટ્રાક્ટ બેઝ પર સેવા બજાવતાં 1925થી વધુ સફાઈકર્મીઓને સેનિટાઈઝર બોટલ તથા બે માસ્કનું વિતરણ કરાયું હતું.

બીજીતરફ લોકડાઉન વચ્ચે શાકભાજી માટે બહાર નિકળતાં લોકોે ઘરમાં જ રહે તે માટે ભૂજમાં મા ભારતી ચેરિટેબલ ટ્રસ્ટ દ્વારા દૈનિક છ શાકભાજીની કિટનું વિતરણ કરાઈ રહયું છે. સંસ્થાના પ્રમુખ મનીષ બારોટે જણાવ્યુ ંહતું કે જરૂરિયાતમંદ લોકો બહાર ન નીકળી શકે તેમા ઘર સુધી સંસ્થા શાકભાજી નિશુલ્ક પહોંચાડી રહી છે. જરૂરી ચીજવસ્તુમાં શાકભાજીના બહાને બહાર નિકળતાં લોકોને પોતાની નૈતિક જવાબદારી સમજવાની અપીલ સાથે સંસ્થાએ જરૂરિયાત હોય તો જ બહાર નિકળો અથવા ઘરમાં રહો તેવી અપીલ કરી હતી.

દેશપ્રેમની પ્રેરક વાતઃ સફાઈ કામદારોની ચિંતા, નિશુલ્ક શાકભાજી, વૃદ્ધાનું દાન, PIની ફરજનિષ્ડા અને નિવૃત સૈનિકનો દેશપ્રેમ

પશ્ચિમ કચ્છના જખૌ મરિન પોલીસ સ્ટેશનમાં ફરજ બજાવતાં અને હાલમાં મુંદરા મરિન પોલીસ હેઠળ ભદ્રેશ્વર ચેકપોસ્ટ પર ફરજ બજાવી રહેલાં પી.એસ.આઈ. એ.એન. પ્રજાપતિના ઘેર પુત્રરત્નનો જન્મ થયો છે. પીઆઈ પ્રજાપતિના પિતાનું 20 વર્ષ પૂર્વે અને માતાનું 5 વર્ષ પૂર્વે નિધન થયું છે, ત્યારે તેમના પત્નીની સારસંભાળ રાખવા ફક્ત 7 વર્ષનો નાનો પુત્ર જ ઘેર છે. આ સ્થિતિમાં સામાન્યત પતિ પોતાની પત્ની અને નવજાતની સંભાળની જવાબદારી નિભાવે છે ત્યારે આ બધાં સંજોગો વચ્ચે પણ તેમણે ડિલિવરી નજીક હોવા છતાં રજા ન રાખીને પોતાની ફરજ પર હાજર રહ્યાં છે .

દેશપ્રેમની પ્રેરક વાતઃ સફાઈ કામદારોની ચિંતા, નિશુલ્ક શાકભાજી, વૃદ્ધાનું દાન, PIની ફરજનિષ્ડા અને નિવૃત સૈનિકનો દેશપ્રેમ

ભૂજ તાલુકાના માધાપરના ભારતીય સૈન્યમાંથી નિવૃત થયેલ ફૌજી અરુણકુમાર ચૌહાણે પોતાનું એક માસનું પેન્શન તથા નિવૃત્તિ પછીની એક માસની સંપૂર્ણ આવક મુખ્યમંત્રી રાહતનિધિમાં રૂ.૧૩,૭૧૮ અને પી.એમ.કેર ફંડમાં રૂ.૧૮,૪૨૭ જેટલી રકમના ચેક જિલ્લા કલેકટર કચેરીમાં આપી રાષ્ટ્રીય-સામાજિક કર્તવ્યપાલનનો ઉમદા રાહ ચીંધ્યો છે અને લોકોને ઉદાર હાથે ફાળો આપવા આહ્વાન કરેલ છે.માનવ જાતના કલ્યાણ માટે નામીઅનામી કેટલાય લોકોએ સેવાની સરવાણી શરૂ કરી છે. ભૂજ તાલુકાના ગોડપર ગામના એકલવાયું જીવન જીવતાં રાધાબહેન ખીમજીભાઇ કેરાઇ ઉ.વર્ષ ૭૨ એ રૂ.૫,૫૫૫/- ની રકમ નો ચેક જિલ્લા કલેકટર કચેરીમાં આપી મુખ્યમંત્રી રાહતનિધિમાં જમા કરાવી છે. રાધાબેન પરચૂરણ સિલાઈકામ કરી પોતાનું ગુજરાત ચલાવે છે અને દુઃખી લોકોની સેવા થાય તે હેતુથી તેમની મરણમૂડીમાંથી આ ફાળો નોંધાવીને સમાજ સેવાનું ઉમદા ઉદાહરણ પુરું પાડયું છે.