ખેડા જિલ્લાના વિવિધ ગામમાં કોરોના સંક્રમણ અટકાવવા સ્વૈચ્છિક લોકડાઉન

ખેડા જિલ્લામાં ચિંતાજનક રીતે વધી રહેલા કોરોનાના સંક્રમણને પગલે એક બાદ એક ગામમાં સ્વૈચ્છિક રીતે લોકડાઉનનો અમલ કરવામાં આવી રહ્યો છે. સંક્રમણ અટકાવવા ગામો સ્વૈચ્છિક લોકડાઉનનો રાહ અપનાવી રહ્યા છે.

• ખેડા જિલ્લામાં દિન-પ્રતિદિન કોરોના સંક્રમણમાં ચિંતાજનક રીતે વધારો
• વધી રહેલા કોરોના સંક્રમણની ગતિ અટકાવવા વિવિધ ગામોમાં સ્વૈચ્છિક લોકડાઉન
• ગામોમાં આરોગ્ય વિભાગ સક્રિય

ખેડાઃ જિલ્લામાં પ્રતિદિન વધતી સંખ્યામાં નવા કેસો સામે આવી રહ્યા છે. વધતા સંક્રમણને લઇ જિલ્લામાં વિવિધ ગામો દ્વારા સ્વૈચ્છિક લોકડાઉનનો અમલ કરવામાં આવી રહ્યો છે. કોરોનાના વધતા સંક્રમણને અટકાવવા જિલ્લાના નડિયાદ, કપડવંજ, ખેડા, ઠાસરા, માતર તેમજ મહુધા સહિતના વિવિધ તાલુકાઓના ગામોમાં લોકડાઉન જાહેર કરવામાં આવી રહ્યું છે.

આ પણ વાંચોઃકોરોનાના કેસ વધતા સુરત જિલ્લો સ્વૈચ્છિક લોકડાઉન તરફ

તમામ બજારો-દુકાનો બંધ

ખેડામાં સંક્રમણ અટકાવવા ગામોમાં સ્વૈચ્છિક લોકડાઉન

દવા તેમજ આવશ્યક વસ્તુઓ સિવાયની તમામ દુકાનો બંધ રાખવામાં આવી રહી છે. ગ્રામ પંચાયત દ્વારા ગ્રામજનો અને વેપારીઓ સાથે બેઠક યોજી ગામમાં લોકડાઉનનો નિર્ણય કરવામાં આવી રહ્યો છે. આ સાથે ગામમાં બિનજરૂરી અવર-જવર બંધ કરવા તેમજ કોવિડ નિયમોનું પાલન કરવાનું જણાવવામાં આવ્યું છે.

નિયમોનું ચુસ્ત પાલન કરવા સૂચના

સ્વૈચ્છિક લોકડાઉન કરવામાં આવેલા મોટાભાગના ગામોમાં બપોર બાદ તમામ દુકાનો-બજારો બંધ રાખવામાં આવી રહી છે. કામ સિવાય બહાર નહીં નીકળવા તેમજ નિયમોનું ચુસ્ત પાલન કરવાની સૂચના આપવામાં આવી છે. જેમાં ગ્રામજનો દ્વારા સહકાર આપવામાં આવી રહ્યો છે.

ખેડામાં સંક્રમણ અટકાવવા ગામોમાં સ્વૈચ્છિક લોકડાઉન

આ પણ વાંચોઃહિંમતનગર તાલુકાના 7 ગામડાઓએ સાથે મળીને સ્વૈચ્છિક લોકડાઉન જાહેર કર્યું

ગામોમાં આરોગ્ય વિભાગ સક્રિય

જિલ્લામાં પ્રાથમિક આરોગ્ય કેન્દ્ર દ્વારા પણ સંક્રમણ વધતું અટકાવવા તમામ પ્રયાસો કરવામાં આવી રહ્યા છે. પ્રાથમિક આરોગ્ય કેન્દ્રોમાં એન્ટીજન અને RT-PCR ટેસ્ટ તેમજ કોરોના રસીકરણ સહિતની કામગીરી કરવામાં આવી રહી છે.